Генадзь Канстанцінавіч Сталяроў
Генадзь Канстанцінавіч Сталяро́ў[1] (руск.: Геннадий Константинович Столяров; нар. 24 кастрычніка 1933) — вучоны ў галіне інфарматыкі і вылічальнай тэхнікі, кандыдат фізіка-матэматычных навук (1980).
| Генадзь Канстанцінавіч Сталяроў | |
|---|---|
| Дата нараджэння | 24 кастрычніка 1933 (91 год) |
| Месца нараджэння | |
| Грамадзянства | |
| Род дзейнасці | навуковец |
| Навуковая сфера | інфарматыка |
| Месца працы | |
| Навуковая ступень | кандыдат фізіка-матэматычных навук (1980) |
| Альма-матар | |
| Прэміі |
  |
| Узнагароды | |
Біяграфія
правіцьНарадзіўся ў горадзе Вольск. У 1957 годзе скончыў Ленінградскі ваенна-механічны інстытут, у 1961 годзе завочна Ленінградскі ўніверсітэт. У 1957—1959 гадах займаўся навукова-даследчай і доследна-канструктарскай працай у абароннай прамысловасці[2]. У 1959—1968 гадах працаваў начальнікам лабараторыі, начальнікам навукова-даследчага аддзела машыннай матэматыкі, намеснікам галоўнага інжынера па матэматычным забеспячэнні ў НДІЭВМ у Мінску[2]. З 1968 года Г. К. Сталяроў працуе ў Інстытуце матэматыкі Акадэміі навук БССР. Тут ён загадвае лабараторыяй сістэм матэматычнага забеспячэння. У 1990 годзе заняў пасаду намесніка дырэктара па навуковай рабоце філіяла міжнароднага канцэрна «Новыя інфармацыйныя тэхналогіі» у Маскве. З 1996 года — сустаршыня Беларускага падкамітэта Сусветнага камп’ютарнага таварыства (IEEE Computer Society)[2].
Навуковая дзейнасць
правіцьАўтар больш за 120 навуковых прац і вынаходстваў[2] па вылічальнай тэхніцы, сістэмным праграмным забеспячэнні. Распрацаваў шэраг інфармацыйных дакументальна-фактаграфічных сістэм, першыя ў Беларусі базы даных для розных галін ведаў[1]. У НДІЭВМ кіраваў працамі па праграмным забеспячэнні ЭВМ «Мінск» першага і другога пакаленняў, быў намеснікам галоўных канструктараў ЭВМ «Мінск-1», «Мінск-2», «Мінск-23»[2].
Узнагароды
правіць- Дзяржаўная прэмія СССР (1970)
- Дзяржаўная прэмія БССР (1982)
- Медаль «Піянер камп’ютарнай тэхнікі» (2000)
Зноскі
- ↑ а б БелЭн 2002.
- ↑ а б в г д Ветераны НИИЭВМ // Виртуальный компьютерный музей (руск.)
Літаратура
правіць- Сталяро́ў Генадзь Канстанцінавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 141. — 10 000 экз. — ISBN 985-11-0035-8. — ISBN 985-11-0251-2 (т. 15).
Спасылкі
правіць- Сталяроў Генадзь Канстанцінавіч на сайце анлайн-энцыклапедыі «Беларусь у асобах і падзеях»
- Ветераны НИИЭВМ // Виртуальный компьютерный музей (руск.)
- Записки мультиматерного студента (руск.)