Георгій Іванавіч Чарняўскі

Георгій Іванавіч Чарняўскі (6 (29) красавіка 1909, мястэчка Іўе, цяпер Гродзенская вобласць — 13 ліпеня 1985) — беларускі мастак.

Георгій Іванавіч Чарняўскі
Дата нараджэння	6 (19) красавіка 1909
Месца нараджэння	Іўе, Лідскі павет, Віленская губерня, Расійская імперыя
Дата смерці	13 ліпеня 1985(1985-07-13) (76 гадоў)
Род дзейнасці	мастак
Жанр	афармленчае мастацтва[d] і графіка
Вучоба	Беларускі дзяржаўны мастацкі тэхнікум (1933)
Уплыў	Фёдар Адольфавіч Фогт, Міхаіл Георгіевіч Эндэ і Яфім Сямёнавіч Мінін
Член у	Беларускі саюз мастакоў

Біяграфія

Удзельнік Вялікай Айчыннай вайны. Вучыўся ў 1930—1933 гадах у Віцебскім мастацкім тэхнікуме ў Ф. Фогта, М. Эндэ, Я. Мініна.

Член Беларускага саюза мастакоў з 1960 года.

Творчасць

Працаваў у афармленчым мастацтве і прыкладной графіцы. Асноўныя творы: афармленне павільёна БССР на Усесаюзнай сельскагаспадарчай выстаўцы ў Маскве, інтэр’ераў аўтавакзала «Цэнтральны», Палаца культуры і тэхнікі аўтамабільнага завода, магазіна «Паўлінка», а таксама свята ў гонар 20-годдзя вызвалення Беларусі ад нямецка-фашысцкіх захопнікаў (усе ў г. Мінску).

Літаратура

• Чарняўскі Георгій Іванавіч // Беларускі саюз мастакоў: энцыклапедычны даведнік / складальнік Б. А. Крэпак. — Мінск, 1998.

Спасылкі

• Георгій Іванавіч Чарняўскі на сайце анлайн-энцыклапедыі «Беларусь у асобах і падзеях»