Георгій Міхайлавіч Склязнёў

Георгій Міхайлавіч Склязнёў (20 студзеня (2 лютага) 1911, мяст. Навабеліца, Гомельскі павет, цяпер у складзе г. Гомель — 12 лютага 1937, Іспанія) — удзельнік грамадзянскай вайны ў Іспаніі, танкіст. Герой Савецкага Саюза.

Георгій Міхайлавіч Склязнёў
Дата нараджэння	20 студзеня (2 лютага) 1911(1911-02-02)
Месца нараджэння	Новая Беліца, Гомель, Гомельскі павет, Магілёўская губерня, Расійская імперыя
Дата смерці	12 лютага 1937(1937-02-12) (26 гадоў)
Месца смерці	Іспанія
Грамадзянства	БССР
Прыналежнасць	СССР
Род войскаў	танкавыя войскі
Гады службы	1932—1937
Званне	лейтэнант
Бітвы/войны	Грамадзянская вайна ў Іспаніі
Узнагароды і званні
Медыяфайлы на Вікісховішчы

Біяграфія

Г. М. Склязнёў нарадзіўся ў Навабеліцы. У 1929 годзе скончыў школу. Працаваў на будаўніцтве Гомельскага лесакамбіната. У Чырвонай Арміі з 1932 года.

Вучыўся ў Маскоўскім вышэйшым вучылішчы, скончыў Горкаўскае тэхнічнае вучылішча (1934). Удзельнік грамадзянскай вайны ў Іспаніі 1936—1939 гг.. Камандзір танкавага ўзвода лейтэнант Склязнёў вызначыўся ў баях супраць франкістаў пад Мадрыдам. Загінуў у час атакі на рацэ Харама ў раёне гары Пінгарон.

Узнагароды

• Медаль «Залатая Зорка»
• Ордэн Леніна
• Ордэн Чырвонай Зоркі

Памяць

• Г. М. Склязнёў навечна залічаны ў спісы Ташкенцкага танкавага вучылішча.
• У Гомелі ў гонар Г. М. Склязнёва названа вуліца.

Літаратура

• Склязнёў Георгій Міхайлавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 463—464. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Георгій Міхайлавіч Склязнёў на сайце «Героі краіны»