Дзмітрый Васілевіч Герашчанка

Дзмітрый Васілевіч Гера́шчанка (нар. 25 студзеня 1951, Мінск) — беларускі архітэктар.

Дзмітрый Васілевіч Герашчанка
Дата нараджэння	25 студзеня 1951(1951-01-25) (73 гады)
Месца нараджэння	Мінск, БССР, СССР
Бацька	Васіль Іосіфавіч Герашчанка
Маці	Любоў Дзмітрыеўна Усава
Альма-матар	БПІ (1974)
Месца працы	Мінскпраект
Працаваў у гарадах	Мінск
Прэміі

Біяграфія

Нарадзіўся 25 студзеня 1951 года ў сям’і архітэктараў Васіля Герашчанкі і Любові Усавай. Скончыў у 1974 годзе БПІ. Працаваў у вытворчых майстэрнях камбіната Мастацкага фонда Беларусі (1968—1969), з 1969 у інстытуце «Мінскпраект».

Творчасць

Асноўныя работы: водаахоўная зона Сляпянскай воднай сістэмы і 7 сквераў уздоўж яе (1989, у складзе аўтарскага калектыву; Дзяржаўная прэмія БССР 1989), праект рэканструкцыі парку імя М. Горкага (1978), Парк 60-годдзя Кастрычніка (1986), воднае добраўпарадкаванне ўчастка р. Свіслач (1988). Па яго праектах будаваліся паркі ў Нясвіжы, па праспекце Праўды і па вул. П. Глебкі; левабярэжная частка Камсамольскага возера ў Мінску і інш.

Сям’я

Мае двух дачок, Дар’ю і Вольгу, якія таксама працуюць архітэктарамі ў інстытуце «Мінскпраект».

Літаратура

• Герашчанка Дзмітрый Васілевіч // Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.