Дзільраба Дыльмурат

Дзільраба́ Дыльмура́т (уйг.: دىلرەبا دىلمۇرات, трад. кіт.: 迪麗热巴·迪力木拉提; у Кітаі больш вядомая як Dilireba (трансліт.: Дзілірэба́); нар. 3 чэрвеня 1992, Урумчы, СУАР, Кітай) — кітайская актрыса, танцорка, спявачка, мадэль і вядучая шоу ўйгурскага паходжання.

Дзільраба Дыльмурат
уйг.: دىلرەبا دىلمۇرات
Дзілірэба у 2023 годзе
Дата нараджэння	3 чэрвеня 1992(1992-06-03) (31 год)
Месца нараджэння	Урумчы, Сіньцзян-Уйгурскі аўтаномны раён, Кітай
Грамадзянства	Кітай
Адукацыя	Паўночна-ўсходні педагагічны ўніверсітэт[d] Shanghai Theatre Academy[d]
Месца працы	Jay Walk Studio Dilireba Studio
Прафесія	акцёрка, мадэль, спявачка
Кар’ера	2013—наш час
Узнагароды	Golden Eagle Award for Best Actress[d]
IMDb	ID 7622097
Медыяфайлы на Вікісховішчы

Дзяцінства і адукацыя

Дзільраба нарадзілася 3 чэрвеня 1992 года ў горадзе Урумчы, у Сіньцзян-Уйгурскім аўтаномным раёне Кітайскай Народнай Рэспублікі. У 2001 годзе, калі дзяўчынке было 9 гадоў, яе бацька прывёў яе ў сярэднюю мастацкую школу Сіньцзян, каб яна здала ўступны экзамен. У той час Дзільраба думала, што гэта былі нейкія дадатковыя заняткі. Пазней, калі яна атрымала прапанову ад школы, яна зразумела, што будзе хадзіць у школу танцаў на працягу наступных шасці гадоў.

У 2007 годзе яна скончыла Сяньцзянскі інстытут мастацтваў і стала ўдзельніцай Сіньцзянскай трупы песень і танцаў.

На працягу 2009 года Дзільраба вучылася ў Паўночна-ўсходнім педагагічным універсітэце ў горадзе Чанчунь, правінцыі Гірын. За гэты час яна заняла трэцяе месца на мясцовым конкурсе спеваў.

У 2010 годзе яна паступіла на тэатральнае аддзяленне Шанхайскай тэатральнай акадэміі па спецыяльнасці «Драма, кіно і тэлебачанне». У тым жа годзе яна спрабавала прайсці праслухоўванне ў новы праект рэжысёра Лу Чуаня «Тайная вячэра».