Дзмітрый Аляксеевіч Арлоў

Дзмітрый Аляксеевіч Арлоў (26 верасня 1903 — 18 чэрвеня 1969) — акцёр тэатра і кіно, рэжысёр, тэатральны педагог, народны артыст Беларускай ССР (1940).

Дзмітрый Аляксеевіч Арлоў
Дата нараджэння	26 верасня 1903(1903-09-26)
Дата смерці	18 чэрвеня 1969(1969-06-18) (65 гадоў)
Месца пахавання	Усходнія могілкі
Грамадзянства	СССР
Жонка	Ганна Браніславаўна Абуховіч
Адукацыя	Расійскі інстытут тэатральнага мастацтва[d] (1925)
Прафесія	акцёр тэатра і кіно, тэатральны рэжысёр, тэатральны педагог
Тэатр	Маскоўскі драматычны тэатр УЦСПС[d] Рэалістычны тэатр[d] Нацыянальны акадэмічны драматычны тэатр імя Максіма Горкага Беларуская дзяржаўная акадэмія мастацтваў
Узнагароды
IMDb	ID 1254073

Біяграфія

У 1925 годзе скончыў Дзяржаўны інстытут тэатральнага мастацтва. З 1929 года працаваў у Маскоўскім тэатры УЦСПС, у 1934 годзе перайшоў у Маскоўскі рэалістычны тэатр. У 1936 годзе перабіраецца ў Магілёў. Там ён уступае ў трупу Рускага дзяржаўнага тэатра, грае ў яго спектаклях. З 1939 года становіцца мастацкім кіраўніком гэтага тэатра. Дзмітрый Арлоў дасягаў у сваіх ролях глыбокага пранікнення ва ўнутраны свет героя, афарбоўваў свае вобразы лірызмам. Камедыйныя ролі Арлова адрозніваліся мяккім гумарам і непасрэднасцю.

З 1934 года пачаў рэжысёрскую дзейнасць. З 1948 года Дзмітрый Аляксеевіч вёў педагагічную працу ў Беларускім тэатральна-мастацкім інстытуце, а ў 1952 годзе ўзначаліў кафедру акцёрскага майстэрства.

Магіла Дзмітрыя Арлова на Усходніх могілках Мінска.

Памёр 18 чэрвеня 1969 года. Пахаваны на Усходніх могілках Мінска.

Літаратура

• Арлоў Дзмітрый Аляксеевіч // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — С. 484. — 10 000 экз. — ISBN 985-11-0035-8. — ISBN 985-11-0036-6 (т. 1).