Зарына Уладзіміраўна Раўко

Зарына Уладзіміраўна Раўко́ (Баўтрук; 6 верасня 1956, Мінск — 25 лютага 1997) — беларускі мастак дэкаратыўна-прыкладнога мастацтва.

Зарына Уладзіміраўна Раўко
Дата нараджэння	6 верасня 1956(1956-09-06)
Месца нараджэння	Мінск, БССР, СССР
Дата смерці	25 лютага 1997(1997-02-25) (40 гадоў)
Род дзейнасці	мастак у галіне дэкаратыўна-прыкладнога мастацтва
Жанр	мастацкая кераміка[d]
Вучоба	Беларускі дзяржаўны тэатральна-мастацкі інстытут (1979)
Член у	Беларускі саюз мастакоў

Біяграфія

Скончыла Беларускі тэатральна-мастацкі інстытут у 1979 годзе.

Член Беларускага саюза мастакоў з 1988 года.

Творчасць

Працавала ў галіне мастацкай керамікі. Сярод твораў: дэкаратыўная пластыка для Палаца культуры ў г. Барысаў (1981), афармленне вестыбюля загса Цэнтральнага раёна Мінска (1985—1987), Дома творчасці Саюза тэатральных дзеячаў Беларусі ў в. Астрашыцкі Гарадок (1986—1988), рэстарана «Заслаўе» (1995; абодва ў Мінскім раёне); дэкаратыўны набор (1977); кампазіцыі «Змярканне» (1985), «Зімовы дзень» (1986), «Блакітны дзень» (1987), «Паводка» (1990), «Зебры» (1993), «Дом» (1995); серыя дэкаратыўных чайнікаў (1994), вазы «Пейзаж» (1988), «Адвечнае» (1993), «Падарожжа ў Кітай» (1995). Творы вылучаюцца пластычнасцю, актыўным узаемадзеяннем колеру з аб’ёмам, кампазіцыйнай завершанасцю, багатым выкарыстаннем тэхнічных прыёмаў.

Літаратура

• Л. Ф. Салавей. Раўко Зарына Уладзіміраўна // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).