Зігмас Зінкявічус
Зі́гмас Зінкя́вічус (літ.: Zigmas Zinkevičius, *4 студзеня 1925, Юодаўсей, цяпер Укмяргскі раён ) — літоўскі лінгвіст, прафесар Вільнюскага ўніверсітэта, правадзейны член Літоўскай акадэміі навук[4]. Аўтар прац у галіне індаеўрапеістыкі (балтыстыкі), балта-славянскіх моўных стасункаў, праблем літоўска-рускага дзвюхмоўя, анамастыкі. Даследаваў яцвяжскую мову, гісторыю і дыялекты літоўскай мовы.
| Зігмас Зінкявічус | |
|---|---|
| Zigmas Zinkevičius | |
 | |
| Дата нараджэння | 4 студзеня 1925[1] |
| Месца нараджэння | |
| Дата смерці | 20 лютага 2018[2] (93 гады) |
| Месца смерці | |
| Месца пахавання | |
| Грамадзянства | |
| Род дзейнасці | мовазнавец, гісторык, выкладчык універсітэта, палітык |
| Навуковая сфера | мовазнаўства |
| Месца працы | |
| Альма-матар | Вільнюскі ўніверсітэт |
| Партыя | |
| Член у | |
| Узнагароды | |
 Медыяфайлы на Вікісховішчы | |
Біяграфія
правіцьСкончыўшы ў 1945 годзе гімназію ва Укмярге, паступіў у Вільнюскі ўніверсітэт[4], дзе вывучаў лінгвістыку. У 1955 абараніў доктарскую дысертацыю па тэме «Гістарычныя рысы залежных займеннікаў у літоўскай мове». У 1956—1962 быў дэканам факультэта гісторыі і філалогіі Вільнюскага ўніверсітэта. За сваю працу «Літоўская дыялекталогія» (1966) Зігмас Зінкявічус атрымаў ступеню габілітаванага доктара, а цераз два гады стаў прафесарам. У 1973 атрымаў пасаду загадчыка кафедры літоўскай мовы Вільнюскага ўніверсітэта. З 1988 — загадчык кафедры балтыйскай філалогіі.
Член Каралеўскай шведскай акадэміі пісьмовасці, гісторыі і старажытнасці (1982), Літоўскай акадэміі навук (1990), Нарвежскай акадэміі навук (1991), Літоўскай каталіцкай акадэміі навук (1991) і Латвійскай акадэміі навук (1995). Валодае англійскай, беларускай, нямецкай, польскай, рускай, украінскай і французскай мовамі[5]. Зінкявічус лічыцца адным з найбольш цытаваных літоўскіх лінгвістаў.
У 1996—1998 — міністр адукацыі і навукі Літвы. У 1999 абраны старшынёй хрысціянска-дэмакратычнай партыі[5]. У 2000—2004 быў дэпутатам Сейма Літвы.
Прэміі і ўзнагароды
правіць- Літоўская дзяржаўная прэмія, 1968
- Прэмія Гердэра, 1994
- Прэмія Казіміра Бугі Літоўскай акадэміі навук, 1995
- Камандорскі крыж Ордэна вялікага літоўскага князя Гедзіміна, 1995
- Прэмія нацыянальнага прагрэсу (літ.: Nacionalinė pažangos premija), 2007
Зноскі
- ↑ Deutsche Nationalbibliothek Record #120873893 // Агульны нарматыўны кантроль — 2012—2016. Праверана 9 красавіка 2014.
- ↑ Zigmas Zinkevičius // Visuotinė lietuvių enciklopedija
- ↑ Mirė akademikas Zigmas Zinkevičius
- ↑ а б Zigmas Zinkevičius (англ.)(недаступная спасылка). A Virtual Exhibition of a Millennium of Lithuanian Cultural Heritage. Institute of Mathematics and Informatics (7 лістапада 2012). Архівавана з першакрыніцы 24 жніўня 2007. Праверана 21 жніўня 2015.
- ↑ а б Kandidatas Zigmas Zinkevičius (літ.)(недаступная спасылка). Lietuvos Respublikos Seimas (7 лістапада 2012). Архівавана з першакрыніцы 25 кастрычніка 2008. Праверана 21 жніўня 2015.
Спасылкі
правіць- Кароткая біяграфія Архівавана 22 жніўня 2013. (літ.)
- Бібліяграфія Зігмаса Зінкявічуса Архівавана 10 сакавіка 2007. (літ.)