Казімір Аляксандр Пацей
Казімір Аляксандр Пацей (14 мая 1666 — 10 чэрвеня 1728) — дзяржаўны і ваенны дзеяч Вялікага Княства Літоўскага. Харунжы троцкі (1692—1700), кашталян віцебскі (1700—1703) і троцкі (1703—1705), ваявода віцебскі (з 1705). Быў таксама старостам рагачоўскім, суражскім і жыжморскім.
| Казімір Аляксандр Пацей | |||||||
|---|---|---|---|---|---|---|---|
 | |||||||
 Герб «Вага» | |||||||
|
|||||||
| Папярэднік | Андрэй Казімір Крышпін-Кіршэнштэйн | ||||||
| Пераемнік | Марцыян Міхал Агінскі | ||||||
| Нараджэнне | 14 мая 1666 | ||||||
| Смерць | 10 чэрвеня 1728 (62 гады) | ||||||
| Род | Пацеі | ||||||
| Бацька | Леанард Габрыэль Пацей | ||||||
| Маці | Рэгіна з Агінскіх | ||||||
| Жонка |
Ганна Тэрэза з Летаваў Фрашцішка з Халецкіх |
||||||
| Дзеці | Антоні, Аляксандр, Міхал, Барбара, Тэрэза | ||||||
Ваенная і палітычная дзейнасць
правіцьПадчас Хатняй вайны падтрымліваў рэспубліканцаў. Удзельнік канфедэрацыі войска ВКЛ 1696 супраць Сапегаў, бітвы пад Алькенікамі. У студзені 1701 на чале шляхецкага апалчэння разбіў 16 конных харугваў Сапегаў і атрады сялян, якія былі ўзброены Сапегамі.
Выступаў за абсалютную ўладу Аўгуста II. Удзельнік Сандамірскай канфедэрацыі, прыхільнік Расіі ў барацьбе супраць шведскага караля Карла XII. У 1708 часова перайшоў на бок караля Станіслава Ляшчынскага, у 1709 зноў далучыўся да Аўгуста II.
Сям'я
правіцьПрадстаўнік шляхецкага роду Пацеяў герба «Вага», сын Леанарда Габрыэля, віцебскага ваяводы, і Рэгіны з Агінскіх. Меў брата Людвіка Канстанціна, які стаў вялікім літоўскім гетманам.
Быў двойчы жанаты: спачатку з Ганнай Тэрэзай Летаў, а пасля яе смерці — з Францішкай Халецкай. Пакінуў дзяцей:
- Антонія (? — 1749), вялікага літоўскага стражніка;
- Аляксандра (? — 1770), троцкага ваяводу;
- Міхала (? — 1787), старосту рагачоўскага і жыжморскага;
- Барбару, жонку вялікага літоўскага пісара Юзафа Бжастоўскага;
- Тэрэзу, жонку кароннага стольніка Ігнацыя Гумецкага.
Літаратура
правіць- Грыцкевіч А. Пацеі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 420. — 792 с. — ISBN 985-11-0378-0 (т. 2), ISBN 985-11-0315-2.
- Генеалогія магнацкіх радоў Рэчы Паспалітай Архівавана 30 кастрычніка 2013.