Капліца-пахавальня Віткевічаў

Капліца-пахавальня Віткевічаў — каталіцкая капліца на Кальварыйскіх могілках Мінска, размешчаная ва ўсходняй частцы могілак, насупраць іншай капліцы. Пабудавана ў другой палове XIX ст. як пахавальня Віткевічаў, пра што сведчыць бела-мармуровая мемарыяльная пліта над уваходам.

Капліца-пахавальня
Капліца-пахавальня Віткевічаў
53°54′30″ пн. ш. 27°30′23″ у. д.
Краіна	Беларусь
Горад	Мінск
Архітэктурны стыль	неаготыка
Дата заснавання	XIX стагоддзе
Дата пабудовы	другая пал. XIX ст.
Статус	Гісторыка-культурная каштоўнасць Беларусі, шыфр 71Д000049
Медыяфайлы на Вікісховішчы

Архітэктура

Класіцыстычная і неагатычная капліцы

Помнік архітэктуры рэтраспектыўна-гатычнага стылю. Цагляная капліца вырашана прамавугольным у плане кампактным аб’ёмам пад двухсхільным дахам. Уваходны праём і нішы бакавых фасадаў спічастай гатычнай формы. Вуглы ўмацаваны контрфорсамі, унутры перакрыта скляпеннем.

Літаратура

• Капліца // Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд. — Мн.: БелЭн, 2008. — С. 244. — 488 с. — ISBN 978-985-11-0395-5.

Спасылкі

• Капліца-пахавальня Віткевічаў на сайце Глобус Беларусі (руск.)