Капліца-пахавальня Паўла Равы

Капліца-пахавальня Паўла Равы — каталіцкая капліца на Кальварыйскіх могілках Мінска, размешчаная злева ад касцёла Узвіжання Святога Крыжа, побач з мадэрнавай капліцай. Пабудавана ў 1855 годзе для бікуп-наміната Паўла Равы, пра што сведчыць металічная мемарыяльная пліта над уваходам.

Капліца-пахавальня
Капліца-пахавальня Паўла Равы
53°54′30″ пн. ш. 27°30′19″ у. д.
Краіна	Беларусь
Горад	Мінск
Архітэктурны стыль	класіцызм і ампір
Дата пабудовы	1855 год
Статус	Гісторыка-культурная каштоўнасць Беларусі, шыфр 71Д000049
Капліца-пахавальня Паўла Равы на Вікісховішчы

Архітэктура

Побач з мадэрнавай капліцай

Галоўны фасад

Помнік архітэктуры позняга класіцызму (ампіру). Цагляная капліца вырашана прамавугольным у плане аб’ёмам пад двухсхільным дахам. Фасад прарэзаны арачным уваходным праёмам, крапаваны пілястрамі і паўкалонкамі паміж імі, завершаны 4-ступеньчатым франтонам. Бакавыя плоскасныя фасады прарэзаны паўкруглымі люкарнамі. Зала перакрыта скляпеннем.

Гл. таксама

• Капліца-пахавальня Віткевічаў

Літаратура

• Капліца // Каталіцкія храмы Беларусі: Энцыкл. даведнік / А. М. Кулагін; фатограф А. Л. Дыбоўскі. — 2-е выд.. — Мн.: БелЭн, 2008. — С. 226. — 488 с. — ISBN 978-985-11-0395-5.

Спасылкі

• На Вікісховішчы ёсць медыяфайлы па тэме Капліца-пахавальня Паўла Равы
• [ Капліца-пахавальня Паўла Равы] на сайце Radzima.org
• Капліца-пахавальня Паўла Равы на сайце Глобус Беларусі (руск.)