Капліца (Клесіна)

Клесіна

Капліца ў Клесіне — праваслаўная капліца у в.Клесіна Вілейскага раёна Мінскай вобласці. Месціцца на паўднёвым ўсходзе ад вёскі, пры дарозе Клесіна — Добравічы, ля месца былой сядзібы.

Капліца праваслаўная
Капліца
54°39′08″ пн. ш. 27°16′54″ у. д.HGЯO
Краіна  Беларусь
Вёска Клесіна
Канфесія Беларуская праваслаўная царква
Епархія Маладзечанская
Тып будынка Капліца
Архітэктурны стыль посткласіцызм
Стан дзейная
Map

Гісторыя правіць

Пабудаваная з бутавага каменя не пазней сярэдзіны ХІХ стагоддзя[1], як каталіцкая склеп-капліца. Меркавана аўтарам будаўніцтва з'яўляўся гаспадар маёнтка Клесіна — Ян Каверскі[2]. Была прыпісаная да Крывіцкага касцёлу.

 

Пасля задушэння паўстання 1863—1864 гг. капліцу зачынілі і ў 1869 г. (ці па іншых звестках у 1871 г.)[3] пераасвяцілі ў праваслаўную. У міжваенны час, у складзе Польскай рэспублікі, была вернутая католікам. Пасля Другой сусветнай вайны, пры савецкай уладзе, святыню зноў зачынілі і з цягам часу яна стала ператварацца ў руіну. На пачатку 1990-ых гг. была адноўлена і зараз адносіцца да прыходу храма Святой Жываначальнай Троіцы ў Крывічах.

Архітэктура правіць

 

Прамавугольны ў плане аб'ём з трохграннай алтарнай часткай, з вылучаным на галоўным фасадзе трохвугольным франтонам. Над уваходам, магчыма, капліца завяршалася вежачкай. Накрытая двухсхільным дахам з вальмамі над алтарнай часткай. На фоне бутавай муроўкі сцен адметна вылучаюцца атынкаваныя ліштвы арачных аконных праёмаў і ўвахода, крапаваныя пілястры на фасадах, прафіляваныя карнізы.

Зноскі

  1. 4. Друкаваныя крыніцы аб рэгіёне ў 1870 – 1890 гадах(недаступная спасылка) // Westki.info
  2. Клесино (руск.) // Вилейский уезд
  3. Мяцежны 1863 год // Вілейскі павет Выпуск 1

Літаратура правіць

Спасылкі правіць