Касцёл Святога Духа (Язвіны)

Касцёл Святога Духа — каталіцкі храм, размешчаны за 1,5 км ад вёскі Язвіны Драгічынскага раёна. Пабудаваны ў 1750 годзе. Помнік архітэктуры барока.

Каталіцкі храм
Касцёл Святога Духа
52°08′37,79″ пн. ш. 25°14′38,82″ у. д.
Краіна	Беларусь
Вёска	Язвіны
Канфесія	Рымска-каталіцкая царква
Епархія	Пінская дыяцэзія
Архітэктурны стыль	барока
Дата пабудовы	1750 год
Статус	Гісторыка-культурная каштоўнасць Беларусі, шыфр 113Г000224
Стан	руіны
Медыяфайлы на Вікісховішчы

Свята-Духаўскі касцёл у Язвінах на малюнку Напалеона Орды

Занесены ў Дзяржаўны спіс гісторыка-культурных каштоўнасцей Рэспублікі Беларусь як аб'ект гісторыка-культурнай спадчыны рэспубліканскага значэння.

Архітэктура

Унутры касцёла

Асноўны квадратны ў плане аб'ём невялікім уступам пераходзіць у паўкруглую апсіду, арыентаваную на ўсход. Уся пабудова накрыта стромкім двухсхільным дахам, паўкруглым над алтарнай часткай. Сцяна галоўнага фасада завершаная франтонам маляўнічага ўвагнута-пукатага абрысу. Вось сіметрыі пабудовы падкрэсленая праёмам уваходу. Пры перабудове касцёла ў праваслаўны храм, у сярэдзіне вільчыка даху зробленая цыбулепадобная галоўка на высокім васьмерыковым барабане. Пластыку архітэктарства ўзбагачаюць скругленыя вуглы будынку, лапаткі і нішы з ракавінамі на галоўным фасадзе. Галоўнае памяшканне перакрытае цыліндрычным скляпеннем, апсіда — конхай. Будынак асветлены чатырма лучковымі вокнамі і круглай люнетай у апсідзе.

Літаратура

• «Архітэктура Беларусі. Энцыклапедычны даведнік», Мінск 1993

Спасылкі

• Касцёл Святога Духа (Язвіны) на сайце Radzima.org
• Касцёл Святога Духа (Язвіны) на сайце Глобус Беларусі (руск.)