Краснае (Маладзечанскі раён)

вёска ў Маладзечанскім раёне Мінскай вобласці Беларусі

Кра́снае — вёска ў Маладзечанскім раёне Мінскай вобласці. З'яўляецца цэнтрам Красненскага сельсавета.

Вёска
Краснае
Krasnaye village, Maladzechna district, Belarus.JPG
Вёска Краснае
Краіна
Вобласць
Раён
Сельсавет
Каардынаты
Першае згадванне
2-я пал. XV ст.
Ранейшыя назвы
Краснае Сяло
Насельніцтва
2 916 чалавек (2011)
Канфесійны склад
каталікі, праваслаўныя, пратэстанты
Часавы пояс
Тэлефонны код
+375 1773
Паштовы індэкс
222330
Аўтамабільны код
5
Краснае на карце Беларусі ±
Краснае (Маладзечанскі раён) (Беларусь)
Краснае (Маладзечанскі раён)
Краснае (Маладзечанскі раён) (Мінская вобласць)
Краснае (Маладзечанскі раён)

МесцазнаходжаннеПравіць

Знаходзіцца за 16 км на паўднёвы ўсход ад Маладзечна. Праз Краснае пралягае рэспубліканская аўтадарога Мінск — Маладзечна — Нарач Р28. Чыгуначная станцыя носіць назву Уша (на лініі Мінск — Маладзечна).

ГідраграфіяПравіць

Вёска стаіць на рацэ Уша, прытоку ракі Віліі.

ГісторыяПравіць

 
Свята-Пакроўская царква

Упершыню Краснае (пад назвай Краснае Сяло) згадваецца ў 2-й палове XV ст. як уладанне вялікіх князёў літоўскіх. У 1486 годзе паселішча атрымала статус мястэчка. Да 1500 года тут быў заснаваны касцёл.

У канцы XV — 1-й пал. XVI стст. Краснае зрабілася цэнтрам павету. Згодна з адміністрацыйна-тэрытарыяльнай рэформай (15651566), мястэчка як цэнтр староства ўвайшло ў склад Менскага павета Менскага ваяводства. Станам на 1765 год тут было 58 двароў, працавалі касцёл і карчма.

У выніку другога падзелу Рэчы Паспалітай (1793) Краснае апынулася ў складзе Расійскай імперыі, у Вілейскім павеце. Станам на 1866 г. у мястэчку налічвалася 60 двароў. Паводле вынікаў перапісу (1897) — 152 двары, царква, 2 школы, народнае вучылішча, пошта, фельчарскі пункт, 22 крамы, 8 корчмаў.

Згодна з Рыжскім мірным дагаворам (1921), Краснае апынулася ў складзе міжваеннай Польскай Рэспублікі, дзе зрабілася цэнтрам гміны Маладзечанскага павета Віленскага ваяводства. Мястэчка выкарыстоўвалася як гарнізонная сядзіба батальёну Корпуса аховы памежжа «Краснае».

У 1939 годзе Краснае ўвайшло ў БССР, дзе ў 1940 годзе атрымала афіцыйны статус пасёлка гарадскога тыпу. У Другую сусветную вайну з 25 чэрвеня 1941 г. да 4 ліпеня 1944 г. мястэчка знаходзілася пад нямецкай акупацыяй. 16 ліпеня 1954 года статус Краснага панізілі да вёскі[1]. Станам на 1972 год тут налічвалася 611 двароў, на 1997 г. — 1216 гаспадарак.

НасельніцтваПравіць

Краснае з'яўляецца 4-ым па колькасці жыхароў населеным пунктам Маладзечненскага раёна (пасля Маладзечна, Радашковіч і Чысці).

  • 2011 год — 2916 жыхароў[2].
  • 1997 год — 3283 жыхароў[3].
  • 1972 год — 2989 жыхароў.
  • 1921 год — 1012 жыхароў[4].
  • 1897 год — 1019 жыхароў.

ДынамікаПравіць

  • 1997 год — 1216 двароў.
  • 1972 год — 611 двароў.
  • 1897 год — 152 двары (паводле перапісу).
  • 1866 год — 60 двароў.
  • 1765 год — 58 двароў.

ІнфраструктураПравіць

У Красным працуюць сярэдняя школа, дашкольная ўстанова, амбулаторыя, дом культуры, бібліятэка, пошта.

СлавутасціПравіць

 
Гарадзішча
 
Касцёл Унебаўзяцця Найсвяцейшай Дзевы Марыі

Вядомыя асобыПравіць

Зноскі

  1. Указ Президиума Верховного Совета Белорусской ССР от 16 июля 1954 г. Об упразднении городского поселка Красное, Радошковичского района, Молодечненской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
  2. Сайт Маладзечненскага райвыканкама
  3. Валерый Шаблюк. Краснае // Крыніцы/ЭГБ|4к. С. 250.
  4. Skorowidz miejscowości Rzeczypospolitej Polskiej. Tom VII. Część II. Ziemia Wileńska. Powiaty: Brasław, Duniłowicze, Brasław i Wilejka. — Warszawa: Główny Urząd Statystyczny Rzeczypospolitej Polskiej, 1923

СпасылкіПравіць