Круглянская ваенна-аператыўная група

Круглянская ваенна-аператыўная група (Круглянская ВАГ, Ваенна-аператыўная група пры Круглянскім падпольным райкоме КП(б)Б) — партызанскае злучэнне, якое дзейнічала на тэрыторыі Круглянскага, Бярэзінскага, Шклоўскага раёнаў Магілёўскай, Крупскага раёна Мінскай, Талачынскага раёна Віцебскай абласцей; таксама назва органа кіраўніцтва гэтым злучэннем. Уваходзіла ў Магілёўскае партызанскае злучэнне.

Круглянская ваенна-аператыўная група
Краіна	СССР
Падпарадкаванне	БШПР
Уваходзіць у	Магілёўскае партызанскае злучэнне
Тып	воінскае фарміраванне
Дыслакацыя	Круглянскі раён Бярэзінскі раён Шклоўскі раён Крупскі раён Талачынскі раён
Удзел у	Вялікая Айчынная вайна
Вядомыя камандзіры	Сяргей Георгіевіч Жунін

Створана ў жніўні 1943 года ў адпаведнасці з пастановай Магілёўскага падпольнага абкома КП(б)Б і загадам Магілёўскай (абласной) ВАГ на базе 36-га, 8-га, 24-га, 28-га, 12-га,30-га партызанскіх атрадаў расфарміраванай 8-й Круглянскай партызанскай брыгады. У снежні 1943 года 36-ы і 12-ы атрады былі перададзены 8-й партызанскай брыгадзе Брэсцкага партызанскага злучэння.

29 чэрвеня 1944 ваенна-аператыўная група (1753 партызаны) злучылася з Чырвонай Арміяй.

Камандзіру ваенна-аператыўнай групы Жуніну прысвоена званне Героя Савецкага Саюза.

Камандаванне

Кіраўніцтва ваенна-аператыўнай групы ажыццяўляў сакратар падпольнага РК КП(б)Б Піліп Сідаравіч Новікаў.

Камандзіры

• Сяргей Георгіевіч Жунін (жнівень — снежань 1943);
• Іван Гаўрылавіч Ільін (снежань 1943 — чэрвень 1944).

Начальнікі штаба

• К. І. Мацеж (жнівень — снежань 1943);
• Ц. М. Лупека (снежань 1943 — чэрвень 1944).

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.:І. П. Шамякін (гал. рэд.) і інш.. — Мн.: БелСЭ, 1990. — 680 с. — 20 000 экз. — ISBN 5-85700-012-2.