Лабарыя ямістая

Лабарыя ямістая (Lobaria scrobiculata) — від ліставатых лішайнікаў роду Лабарыя (Lobaria) сямейства Лабарыевыя (Lobariaceae).

Лабарыя ямістая
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Аскамікота Пададдзел:  Pezizomycotina Клас:  Lecanoromycetes Падклас:  Lecanoromycetidae Парадак:  Пельтыгеральныя Падпарадак:  Peltigerineae Сямейства:  Лабарыевыя Род:  Лабарыя Від:  Лабарыя ямістая
Міжнародная навуковая назва
Lobaria scrobiculata (Scop.) DC., 1801
Сістэматыка на Віківідах Выявы на Вікісховішчы NCBI   176461 EOL   1007536 MB   394919

Апісанне

Слаявіна ліставатая, дольчата-буйналопасцевая, неглыбока выразаная, шырынёй да 15 см. Верхняя паверхня слаявіны блакітна-шэрая, светла-шаравата-зялёная або аліўкавая, больш-менш невыразна сеткавата-ямістая, па краях, рэбрах або па ўсёй паверхні мае блакітна-шэрыя або цёмна-бурыя сараліі. Сарэдыі часам прарастаюць у сарэдыяльныя ізідыі. Ніжняя паверхня караткалямцавая, шаравата-жоўтая, у цэнтры — да бура-чорнай, з нешматлікімі рызінамі, прыкметнымі ўэдуццямі, якія адпавядаюць ямкам на верхняй паверхні. Псеўдацыфелы белыя, парашкападобныя, няправільнай формы і памераў. Стрыжань утрымлівае арганічныя кіслоты.

Распаўсюджанне

Лабарыя ямістая на ствале дрэва, Нью-Брансуік, Канада

Трапляецца ў лясах Галарктыкі, у Паўднёвай Амерыцы, Афрыцы, Аўстраліі і Новай Зеландыі. Пашырана ў лясной паласе Еўразіі, адзначана і ў Арктыцы (Еўрапейскі сектар). На тэрыторыі Беларусі рэдкі від. Расце на ствалах шыракалістых дрэў, на сучках елкі і на замшэлым бураломе ў старых цяністых лясах з павышанай вільготнасцю паветра. Трапляецца асобнымі экземплярамі або невялікімі групамі на абмежаваных плошчах.

Асаблівасці біялогіі

Размнажаецца вегетатыўна (сарэдыямі і ізідыямі) або аскаспорамі.

Від вельмі адчувальны (індыкатарны) да антрапагенных уздзеянняў.

Спасылкі

• Лобария ямчатая: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)