Лебедзь малы

	Малы лебедзь
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Другаснаротыя
Тып:	Хордавыя
Падтып:	Пазваночныя
Інфратып:	Сківічнаротыя
Надклас:	Чацвераногія
Клас:	Птушкі
Падклас:	Нованёбныя
Атрад:	Гусепадобныя
Падатрад:	Anseres
Сямейства:	Качыныя
Падсямейства:	Гусіныя
Трыба:	Cygnini
Род:	Лебедзі
Від:	Малы лебедзь
Міжнародная навуковая назва
	Cygnus bewickii Yarrell, 1830
Ахоўны статус
	Выклікаюць найменшыя асцярогі; IUCN 3.1 Least Concern : ???
ITIS	714735
EOL	4383209
FW	368620

Лебедзь малы, лебедзь тундравы (Cygnus bewickii) — від птушак з сямейства качыных.

Апісанне правіць

Белы, жоўтая дзюба з чорным канцом. Малы лебедзь вельмі падобны да клікуна, але меншы ростам: даўжыня цела 115—127 см і 170—195 см размах крылаў. Важыць малы лебедзь каля 5—6 кг. Самка крыху меншая за самца.

Голас малога лебедзя таксама падобны да голаса клікуна, толькі цішэй і ніжэй. Акрамя гэтага ў малога лебедзя дзюба мае больш чорнага колеру, тады як у клікуна наадварот, чорны колер прысутнічае толькі на кончыку дзюбы.

Пашырэнне правіць

Насяляе азёры, а таксама разлівы рэк у травяністай або балоцістай тундры; зімоўкі ў вусцях рэк, прыбярэжных азёрах, а таксама марскіх затоках.

Арэал на поўначы Палеарктыкі ад паўвострава Канін да вусця Калымы і вострава Аджон і Чукоткі. Пералётны від. Месца зімовак: паўночны захад Еўропы (галоўным чынам Галандыя, Брытанскія астравы і Ірландыя), лакальна Паўднёвая Еўропа, узбярэжжа Каспійскага мора, Паўднёвая, Цэнтральная і Усходняя Азія. На тэрыторыі Беларусі вельмі рэдкі, залётны ў час міграцый від.

Асаблівасці біялогіі правіць

Гняздо ладзіць на купіне або сухім грунце, у месцы з добрым аглядам. Яно ў выглядзе кола, галоўным чынам з моху; верхняя частка з сухіх водных раслін, у высцілцы, акрамя таго, пух або пер’е.

Яйкі (2—5) пераважна падоўжаныя або набліжаныя да эліптычных, белаватыя (пад час наседжвання з’яўляюцца жоўта-карычневыя плямы).

Падвіды правіць

C. c. bewickii — Палеарктыка;
C. c. columbianus — Неаарктыка.

Літаратура правіць

Птушкі Еўропы: Палявы вызначальнік / пад рэд. М. Нікіфарава. — Варшава: Навуковае выдавецтва ПНВ, 2000.