Людвіг Іванавіч Сяліцкі

Людвіг Іванавіч Сяліцкі (25 снежня 1903, вёска Вялікі Трылесін, Бялыніцкі раён — 5 сакавіка 1977) — адзін з кіраўнікоў партыйнага падполля і партызанскага руху ў Віцебскай вобласці.

Людвіг Іванавіч Сяліцкі
Дата нараджэння	25 снежня 1903(1903-12-25)
Месца нараджэння	Вялікі Трылесін, Магілёўскі павет, Магілёўская губерня, Расійская імперыя
Дата смерці	5 сакавіка 1977(1977-03-05) (73 гады)
Грамадзянства	Расійская імперыя  СССР
Званне	палкоўнік
Бітвы/войны	Вялікая Айчынная вайна
Узнагароды і званні

Біяграфія

З 1926 года член КПСС. З 1938 на гаспадарчай, савецкай, партыйнай рабоце ў Віцебскай і Беластоцкай абласцях. З ліпеня 1941 года ў нямецкім тыле, з лютага 1942 года камандзір партызанскай групы, камісар атрада, у ліпені 1942 — красавіку 1943 гадоў камісар, у лістападзе 1942 — красавіку 1944 гадоў камандзір 1-й партызанскай брыгады імя К. С. Заслонава, адначасова ў чэрвені 1943 — маі 1944 гадоў 1-ы сакратар Аршанскага падпольнага РК КП(б)Б. З мая 1944 года ў распараджэнні ЦК УКП(б). У 1948—1971 гадах райваенкам Узбекскай ССР, інжынер упраўлення дарогі Масква — Брэст. Яго імем названа вуліца ў Оршы.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.
• Сялі́цкі Людвіг Іванавіч // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 463. — 10 000 экз. — ISBN 985-11-0214-8.