Людовік III Малодшы

Людовік III Малодшы
Людовік III Малодшы
	ням.: Ludwig III der Jungere
кароль Франконіі, Цюрынгіі і Саксоніі
	865/28 жніўня 876 — 20 студзеня 882 гг.
Папярэднік	Людовік II Нямецкі
Пераемнік	Карл III Тоўсты
20-ы кароль Баварыі
	22 верасня 880 — 20 студзеня 882 гг.; (пад імем Людовік III)
Папярэднік	Карламан
Пераемнік	Карл III Тоўсты
6-ы кароль Латарынгіі
	10 красавіка 879 — 20 студзеня 882 гг.; (пад імем Людовік III)
Папярэднік	Людовік II Заіка
Пераемнік	Карл III Тоўсты
кароль Аквітаніі
	верасень 852 — 15 кастрычніка 855; (пад імем Людовік II)
Папярэднік	Піпін II
Пераемнік	Карл III Дзіцё
Нараджэнне	835; невядома;
Смерць	20 студзеня 882; Франкфурт
Месца пахавання	Лоршскі кляштар;
Род	Каралінгі
Бацька	Людовік II Нямецкі
Маці	Эма Баварская
Жонка	Ліўтгарда Саксонская
Дзеці	сын: Людовік ; дачка: Хільдэгарда ; бастард: ; сын: Гуга
	Медыяфайлы на Вікісховішчы

Людовік III Малодшы (ням.: Ludwig III der Jüngere; 835 — 20 студзеня 882, Франкфурт) — кароль Аквітаніі (пад імем Людовік II) у 852—855 гадах, кароль Франконіі, Цюрынгіі і Саксоніі з 865 года, кароль Баварыі з 880 года, кароль Латарынгіі з 876 года, сын Людовіка II Нямецкага, караля Усходне-Франкскага каралеўства, і Эмы Баварскай, дачкі Вельфа I, графа Альтдорфа.

Біяграфія

У 865 годзе, падзяліўшы паміж сынамі каралеўства, Людовік II Нямецкі вылучыў Людовіку III Франконію, Цюрынгію і Саксонію. У 871 годзе Людовік і яго брат Карламан паўсталі супраць бацькі, крыўдуючы на тое, што той не вылучыў ім долі ў нядаўна набытай Латарынгіі. У 872 годзе Людовік II Нямецкі саступіў і падзяліў Латарынгію паміж сынамі. Людовік III атрымаў пры гэтым Фрысландыю.

Пасля смерці бацькі ў кастрычніку 876 года Людовік атрымаў рашучую перамогу ў бітве пры Андэрнасе над дзядзькам Карлам II Лысым і здолеў абараніць сваё каралеўства.

У 879 годзе, пасля смерці французскага караля Людовіка II Заікі, Людовік Малодшы ўварваўся ў Латарынгію і авалодаў той яе часткай, якая належала Карлу Лысаму. Гэта набыццё было замацавана ў 880 годзе Рыбмонскім дагаворам.

У гэтым жа годзе Людовік III Малодшы нанёс паразу вікінгам у бітве пры Тымеоне, а затым, не чакаючы смерці хворага брата Карламана, ён склаў дагавор з малодшым братам Карлам Талстым аб паздзеле яго ўладанняў. Па гэтым пагадненні да Людовіка адышла Баварыя.

Шлюб і дзеці

Жонка: (з 29 лістапада 874) Ліўтгарда Саксонская (каля 845 — 17/30 лістапада 885), дачка Людольфа Саксонскага, маркграфа Астфаліі (каля 805 — 12 сакавіка 866) і Оды Білунг (каля 806 — 17 мая 913). Дзеці:
- Людовік (каля 877 — лістапад 879)
- Хільдэгарда (878/881 — пасля 895)
акрамя таго, у яго быў пазашлюбны сын
- Гуга (855/860 — люты 880)

Літаратура

Рыжов К. Все монархи мира. Западная Европа. — М., 1999.