Лідзія Іларыёнаўна Гакінаева
Лідзія Іларыёнаўна Гакіна́ева[1] (руск.: Лидия Илларионовна Гокинаева; 5 красавіка 1905 — 29 студзеня 1990, Гродна) — вучоны ў галіне дэрматавенералогіі, доктар медыцынскіх навук (1963), прафесар (1964).
Лідзія Іларыёнаўна Гакінаева | |
---|---|
руск.: Лидия Илларионовна Гокинаева | |
Дата нараджэння | 18 красавіка (1 мая) 1905 |
Месца нараджэння | |
Дата смерці | 29 студзеня 1990 (84 гады) |
Месца смерці | |
Месца пахавання | |
Грамадзянства | |
Род дзейнасці | венеролаг |
Месца працы | |
Навуковая ступень | доктар медыцынскіх навук |
Навуковае званне | дацэнт |
Альма-матар | |
Навуковы кіраўнік | Вольга Мікалаеўна Падвысоцкая |
Узнагароды |
Біяграфія правіць
Нарадзілася ў вёсцы Мязга Усцюжанскага павета Наўгародскай губерні (цяпер ва Усцюжанскім раёне Валагодскай вобласці Расіі). Да 18 гадоў жыла ва Усцюжне, дзе скончыла педагагічны тэхнікум і працавала настаўніцай ў пачатковай школе і выхавальніцай ў дзіцячым доме[2]. У 1929 годзе скончыла Ленінградскі інстытут фізічнай культуры імя П. Ф. Лесгафта. Працавала асістэнтам у Ленінградскім універсітэце, да 1936 г. загадчыкам кафедрай фізкультуры ва Усходнім інстытуце імя А. Енукідзэ[2]. У 1938 годзе скончыла Першы Ленінградскі медыцынскі інстытут імя І. П. Паўлава і засталася ў аспірантуры ў акадэміка В. М. Падвысоцкай.
У час Вялікай Айчыннай вайны працавала хірургам у шпіталі ў блакадным Ленінградзе. Пасля эвакуацыі ў 1942 годзе была загадчыкам скурна-венералагічнага дыспансера.
У 1946 г. вярнулася ў Ленінград і працягвала працу на кафедры дэрматалогіі ў Першым медыцынскім інстытуце. У 1948 годзе абараніла кандыдацкую дысертацыю і ў 1951 годзе была абраная дацэнтам кафедры. У 1962 годзе абараніла доктарскую дысертацыю на тэму «Специфическое и неспецифическое действие витамина D2 на больных туберкулезом кожи». З 1963 г. Л. І. Гакінаева ў Гродзенскім медыцынскім інстытуце — да 1977 г. загадчык кафедрай скураных і венерычных хвароб.
Памерла Л. І. Гакінаева 29 студзеня 1990 г. Пахавана ў Гродне.
Навуковая дзейнасць правіць
Л. І. Гакінаевай належаць навуковыя працы па піядэрміі, туберкулёзе скуры, псарыязе і метадах іх лячэння, абмене рэчываў пры дэрматозе. З’яўляецца аўтарам больш за 90 навуковых прац.
Пад яе кіраўніцтвам абаронены 6 кандыдацкіх дысертацый. Была членам праўлення Беларускага навуковага таварыства дэрматолагаў і венеролагаў, старшынёй Гродзенскага абласнога і гарадскога таварыстваў дэрматавенеролагаў[2].
Узнагароды правіць
Зноскі
- ↑ Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5.
- ↑ а б в Гокинаева, Лидия Илларионовна // Большая биографическая энциклопедия. 2009. (руск.)
Літаратура правіць
- Гакінаева Лідзія Іларыёнаўна // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5). — С. 441.
- Инновационные технологии в диагностике и лечении кожных заболеваний и инфекций урогенитального тракта: материалы региональной научно-практической конференции с международным участием, посвященной 50-летию кафедры дерматовенерологии УО «Гродненский государственный медицинский университет» / отв. ред. Д. Ф. Хворик. — Гродно: ГрГМУ, 2012. — 156. ISBN 978-985-496-989-3 (руск.)
Спасылкі правіць
- Кафедра дэрматавенералогіі. Гісторыя (руск.) // Установа адукацыі «Гродзенскі дзяржаўны медыцынскі ўніверсітэт»
- Царикович В. С. Лидия Илларионовна Гокинаева. К 100-летию со дня рождения // Журнал ГГМУ 2005, № 1 (руск.)
- Здравоохранение Беларуси: знаменательные и юбилейные даты. 2010 год / Сост. Н. Ф. Змачинская, Н. С. Шумин. — Минск: РНМБ, 2010. — 177 с. (руск.)
- Гокинаева, Лидия Илларионовна // Большая биографическая энциклопедия. 2009. (руск.)
- Вторая белорусско польская конференция: дерматология без границ : сборник материалов Республиканской научно-практической конференции с международным участием / отв. ред. Д. Ф. Хворик. — Гродно : ГрГМУ, 2015. — с. 232. — ISBN 978-985-558-516-0.