Лінус Торвальдс

Лінус Бенедыкт Торвальдс (28 снежня 1969 у Хельсінкі, Фінляндыя), фінскі праграміст, сусветна вядомы як арганізатар распрацоўвання ядра Linux. Цяпер выконвае ролю каардынатара гэтага праекту.

Лінус Торвальдс
шведск.: Linus Torvalds
Імя пры нараджэнні	шведск.: Linus Benedict Torvalds
Род дзейнасці	праграміст, распрацоўшчык праграмнага забеспячэння
Дата нараджэння	28 снежня 1969(1969-12-28) (50 гадоў)
Месца нараджэння	Хельсінкі, Фінляндыя
Бацька	Nils Torvalds[d]
Маці	Anna Torvalds[d]
Жонка	Tove Torvalds[d]
Дзеці	Patricia Miranda Torvalds[d], Daniela Yolanda Torvalds[d] і Celeste Amanda Torvalds[d]
Месца працы	Transmeta Corporation[d] Open Source Development Labs[d] Linux Foundation[d] Хельсінкскі ўніверсітэт
Альма-матар	Хельсінкскі ўніверсітэт (1996)
Член у	Шведская каралеўская акадэмія інжынерных навук[d]
Узнагароды і прэміі	Millennium Technology Prize[d] (2012) Computer Pioneer Award[d] (2014) Suuret suomalaiset[d] Lovelace Medal[d] (2000) honorary doctor of Stockholm University[d] (1999) EFF Pioneer Award[d] (1998) ганаровы доктар Хельсінкскага ўніверсітэта[d] (май 2000) Fellow Awards[d] (2008) Зала славы Інтэрнэту[d] (2012) European of the Year[d] (2001) IEEE Masaru Ibuka Consumer Electronics Award[d] (2018)
Сайт	torvalds-family.blogspot.com
Лінус Торвальдс на Вікісховішчы

У пач. 1990-х гг. Лінус пачаў распрацоўваць аналаг Minix (аперацыйнай сістэмы Э.Таненбаўма), UNIX-падобную аперацыйную сістэму для ПК. Цяпер Linux працуе на мностве іншых архітэктур.

Біяграфія

Лінус нар. у Хельсінкі, сталіцы Фінляндыі, у сям'і журналістаў Ганны і Нільса Торвальдсаў. Абодва бацькі былі ў свой час студэнцкімі актывістамі Хельсінкскага ўніверсітэта ў 1960-х гг. Бацька Лінуса быў камуністам, у сяр. 1970-х гг. вучыўся ў Маскве.

Лінус Торвальдс вучыўся ў Хельсінкскім універсітэце ў 1988 — 1996, пры канцы вучобы атрымаў магістарскае званне па камп'ютарных тэхналогіях (тэма магістарскай работы: Linux: пераносная аперацыйная сістэма).

З жонкай пазнаёміўся на ўводных курсах у камп'ютарнай лабараторыі ўніверсітэта. Лінус даў усёй групе заданне даслаць яму са сваіх персанальных камп'ютараў ліст. Тады яго будучая жонка (слухачка гэтых курсаў) даслала Лінусу e-mail, у якім запрасіла яго на сустрэчу. Цяпер у сям'і Торвальдсаў тры дачкі: Патрысія Міранда (нар. 5 снежня 1996), Даніэла Яланда (нар. 16 красавіка 1998) і Цэлестыя Аманда (нар. 20 лістапада 2000).

Торвальдс разам з сям'ёй пераехаў у Сан Хасэ, Каліфорнія. У чэрвені 2004 Торвальдсы пераехалі ў Портланд, Арыгон, бліжэй да працоўнага месца Лінуса.

Лінус працаваў у кампаніі Transmeta з лютага 1997 па чэрвень 2003, зараз працуе ў Лабараторыі Адкрытых Крынічных Кодаў, калектыўна створанай многімі карпарацыямі.