МАЗ-6317
МАЗ-6317 — грузавы паўнапрывадны аўтамабіль падвышанай праходнасці з колавай формулай 6х6, які выпускаецца Мінскім аўтазаводам з 1993 года.
| МАЗ-6317 | |
|---|---|
 | |
| Вытворца | Мінскі аўтамабільны завод |
| Месца вытворчасці |
Мінск  |
| Гады выпуску | 1993–н.ч. |
| Колавая формула | 6х6 |
 МАЗ-6317 на Вікісховішчы | |
Аўтамабіль распрацаваны ў канцы 80-х гадоў па тэхнічным заданні Мінабароны СССР. Доследныя ўзоры прайшлі прыёмачныя выпрабаванні, але аўтамабіль не быў прыняты на ўзбраенне з-за палітычных падзей, якія прывялі да распаду СССР.
Мадыфікацыі правіць
МАЗ-6317 правіць
- МАЗ-6317 — армейскі бартавы паўнапрывадны аўтамабіль падвышанай праходнасці з колавай формулай 6х6.
- МАЗ-63172 — армейскі бартавы грузавік, з павялічаным да 33,3 м³ аб'ёмам кузава.
- МАЗ-63171 (МАЗ-631708-010) — цывільная (камерцыйная) мадыфікацыя аўтамабіля з двухскатнымі заднімі коламі. (Упешыню прадстаўлены ў 1994 годзе).
МАЗ-5316 правіць
.jpg)
МАЗ-5316 уяўляе сабой двухвосевы варыянт аўтамабіля (колавая формула 4х4). Прадстаўлены ў 1999 годзе.
МАЗ-6425 правіць
Паўнапрывадны седлавы цягач з колавай формулай 6х6.
МАЗ-6517 правіць
Самазвал колавай формулы 6х6. З'явіўся ў мадэльным шэрагу ў 2009 годзе[1].
Грузападымальнасць складае 19 т, а поўная маса не перавышае 33,5 т. Аўтамабіль абсталяваны рухавіком ЯМЗ-238ДЕ2 (Е3) магутнасцю 330 к.с. і 9-ступеньчатай механічнай каробкай перадач ЯМЗ-239. Усталяваны кузаў аб'ёмам 10,5 м³[2].
МАЗ-65171 — мадыфікацыя з двухскатнымі заднімі коламі, МАЗ-651705 — з узмоцненай рамай і аднаскатнымі шынамі Бел-95 памеру 16,00R20.
МАЗ-6417 правіць
Лесавоз.
Канструкцыя правіць
Апісанне правіць
Гэта трохвосевы грузавік з усімі вядучымі коламі, грузападымальнасцю 11 т. Выкананы па схеме «кабіна над рухавіком».
Кабіна — цэльнаметалічная, закрытая, з двума спальнымі месцамі. Знешне "ваенная" мадыфікацыя адрозніваецца ад "цывільнай" лабавым шклом, якое складаецца з дзвюх паловак, а таксама круглымі фарамі ў бамперы замест прамавугольных.
Асноўным рухавіком служыць 330-моцны дызель сямейства ЯМЗ-238, хоць першапачаткова машыны абсталёўваліся Тутаеўскі маторамі магутнасцю да 425 к.с.
На аўтамабіле ўсталяваны сістэма цэнтралізаванай напампоўкі шын; лябёдка (цягавы высілак — 117,8 кН).
Тэхнічныя характарыстыкі правіць
| Мадыфікацыя: | МАЗ-631705 | МАЗ-6425 | МАЗ-6517 |
|---|---|---|---|
| Тып | Бартавы | Сед. цягач | Самазвал |
| Колавая формула | 6х6 | 6х6 | 6х6 |
| Выпуск | 1993-н.ч. | ? | 1994-н.ч. |
| Рухавік | ЯМЗ-238ДЕ2 | ЯМЗ-238ДЕ2 | ЯМЗ-238ДЕ2 |
| Магутнасць, кВт (к.с.) | 243 (330) | 243 (330) | 243 (330) |
| Каробка перадач (Колькасць перадач) |
ЯМЗ-239 (9), 9JS135А (9) | ЯМЗ-239 (9), 9JS135А (9) | ЯМЗ-239 (9), 9JS135А (9) |
| Грузападымальнасць, кг | 13100 | 11500[тэх. 1] | 19000 |
| Поўная маса, кг | 25150 | 23550 | 33500 |
| Дапушчальная поўная маса аўтацягніка, кг | 45000 | 44000 |
- ↑ Дапушчальная нагрузка на сядло
Эксплуатацыя правіць
У беларускай арміі правіць
У снежні 1996 года Міністэрства абароны Рэспублікі Беларусь сумесна з Мінскім аўтамабільным заводам арганізавала завадскія выпрабаванні аўтамабіля. Іх вынікі паказалі, што МАЗ-6317 па сваіх канструктыўна-тэхналагічных і эксплуатацыйна-тэхнічных характарыстыках адказвае сучасным патрабаванням беларускай арміі і можа быць выкарыстаны для замены ў войсках аўтамабіляў «КрАЗ», «КАМАЗ» і «Урал». Выкарыстоўваецца не толькі ў якасці транспартнай машыны, але і для размяшчэння вайсковых спецкузаваў і абсталявання.
Хадавыя выпрабаванні выявілі магчымасць прымянення МАЗ-6317 для буксіроўкі артылерыйскіх гармат калібра 152-мм (2А65, 2А36 і Д20 або іх аналагаў). Пацверджана і магчымасць выкарыстання МАЗ-6317 для транспартавання ўзбраення зенітна-ракетных комплексаў С-200 і С-300, а таксама для размяшчэння на яго шасі пантонна-маставых паркаў.
МАЗ-6317 таксама выкарыстоўваецца ў якасці шасі для рэактыўнай устаноўкі залпавага агню «Град-1А» («БелГрад»). Ад звычайнага «Граду» на базе Урала, «БелГрад» прынцыпова адрозніваецца тым, што вязе на сабе адразу два боекамплекты замест аднаго.
Ва Украіне правіць
На пачатку 2016 года карпарацыя "Багдан" заключыла пагадненне з Мінскім аўтамабільным заводам аб вытворчасці грузавікоў падвойнага прызначэння з беларускіх і ўкраінскіх камплектуючых. У межах дамовы пад уласным брэндам «Богдан» ажыццяўляецца выпуск мадэляў 5316, 6317, а таксама 6425[3][4].
Кіеўскай кампаніяй "Практыка" быў распрацаваны бронеаўтамабіль "Богдан-6317" прызначаны для перавозкі асабовага складу спецпадраздзяленняў Нацыянальнай гвардыі і МУС Украіны[5]. На аўтамабіль усталёўваюць спецыяльную бронекабіну і кунг з узроўнем абароны STANAG 1. Таксама асобна абараняюць паліўныя бакі, АКБ, балоны тармазной сістэмы і ступічныя элементы сістэмы падпампоўкі шын. Агульная вага брані і дадатковых элементаў складае 4,5 т. Сядзенні для байцоў маюць верхняе мацаванне і размешчаныя ўздоўж аўтамабіля, што дазваляе мінімізаваць траўмы пры падрывах на міне. Акрамя таго, дэсантны адсек абсталяваны перагаворнай прыладай, вентыляцыяй, абагравальнікам, падсветкай і стандартным наборам фільтраў для падобнай прадукцыі. Бронеаўтамабіль можа перавозіць каля 23 чалавек.
У іншых краінах правіць
- Азербайджан
На парадзе ў Баку ў 2018 годзе паказваліся машыны з устаноўкай, якая магла ажыццяўляць запуск атакуючых беспілотнікаў ізраільскай вытворчасці Harop.
- КНДР
Аб пастаўках ваенных грузавікоў у КНДР не паведамлялася, аднак МАЗ-6317 на падоўжаным шасі з аператыўна-тактычнымі ракетамі праходзілі падчас аднаго з ваенных парадаў у Пхеньяне. Меркавана, шасі былі дапрацаваныя непасрэдна ў Паўночнай Карэі.
Спорт правіць
З 1996 па 2001 аўтамабілі ў складзе каманды «МАЗ-Яравіт» прымалі ўдзел у спартыўных спаборніцтвах.
У 1997 годзе МАЗы-6317 прынялі ўдзел у міжнародным ралі-марафоне. Улетку 1998 года каманда «МАЗ-Яравіт» на дзвюх машынах прыняла ўдзел у Кубку Расіі па ралі-рэйдам «Дебри - 98». Больш у ралі-рэйдах МАЗы-6317 не ўдзельнічалі — cпартыўная каманда «МАЗ-Яравіт» засяродзілася толькі на трак-трыяле.
У лютым 1999 года на Адкрытым Кубку Расіі па трыяле МАЗы-6317 атрымалі сваю першую перамогу. Гэты поспех стаў вырашальным аргументам на карысць удзелу ў Еўратрыяле'99. Тады ў агульным заліку чэмпіянату Еўропы па трак-трыяле ў катэгорыі S4 экіпаж Пётр Орсік / Дзмітрый Кніга набраў 33 ачкі і заняў 9-е месца.
У 2000 годзе экіпаж Пётр Орсік / Зміцер Кніга стаў пераможцам чэмпіянату Еўропы. У 2001-м экіпаж паўтарыў сваё дасягненне[6].
Зноскі
- ↑ Огни светосвала. Световая скульптура МАЗ-6517 // mpark.pro (руск.)
- ↑ Для стран заморских богатырь // Автобизнес : газета. — 2011. — № 1 (758).(недаступная спасылка) (руск.)
- ↑ Вантажівки для української армії // «Defense Express» (укр.)
- ↑ Грузовики МАЗ двойного назначения будут выпускать в Черкассах под брендом "Богдан" Архівавана 10 красавіка 2016. // abw.by (руск.)
- ↑ В Киеве разработали новый бронеавтомобиль на шасси МАЗа Архівавана 3 красавіка 2016. // abw.by (руск.)
- ↑ Во славу родины Архівавана 23 сакавіка 2011. // abw.by (руск.)
Літаратура правіць
- Там, где пехота не пройдет... // Автобизнес-Weekly : газета. — 2004. — № 29 (426). Архівавана з першакрыніцы 19 кастрычніка 2012. (руск.)
У сеціве правіць
- МАЗ-6317 на афіцыйным сайте Мінскага аўтамабільнага завода Архівавана 11 студзеня 2012. (руск.)
- МАЗ-6425 на афіцыйным сайте Мінскага аўтамабільнага завода Архівавана 17 снежня 2011. (руск.)
- МАЗ-6517 на афіцыйным сайте Мінскага аўтамабільнага завода Архівавана 9 студзеня 2012. (руск.)
- Военные хитрости МАЗа Архівавана 27 лістапада 2015. // abw.by (руск.)
- Грузовики в погонах. Антология военных МАЗов (руск.). onliner.by (10 сакавіка 2020). Праверана 10 сакавіка 2020.