Маравіль

Мараві́ль (трансліт.: Maraviĺ, руск.: Маревиль) — аграгарадок у Бярозаўскім раёне Брэсцкай вобласці. Уваходзіць у склад Сігневіцкага сельсавета. Размешчана за 17 км ад Бярозы, за 18 км ад чыгуначнай станцыі Бяроза-Картузская.

Аграгарадок Маравіль Краіна Беларусь Вобласць Брэсцкая Раён Бярозаўскі Сельсавет Сігневіцкі Каардынаты 52°25′18″ пн. ш. 24°53′17″ у. д. Насельніцтва ▼589 чал. (2019) Часавы пояс UTC+3 Тэлефонны код +375 1643 Паштовыя індэксы 225223 Аўтамабільны код 1 СААТА 1208857026 Маравіль на карце Беларусі ±

Гісторыя

У 1843 годзе вядома як фальварак у складзе маёнтка Сігневічы, належаў Рамуальду Нейгоф-Лею, які пабудаваў драўляны дом з мансардай (у савецкі час перабудаваны). Быў закладзены парк. У канцы XIX ст. пад назвай Марвіль у Равяціцкай воласці Пружанскага павета Гродзенскай губерні. У 1890 годзе памешчыку разам з іншымі пунктамі належалі 3582 дзес. зямлі.

На 1905 года — фальварак Моравіль, альбо Лубкі. З 1915 года акупіраваны германскімі войскамі, з 1919 года да ліпеня 1920 года і з жніўня 1920 года — войскамі Польшчы. З 1921 года — у складзе Польшчы. На 1924 года фальварак у Равяціцкай гміне Пружанскага павета Палескага ваяводства. З 1932 года ў Сігневіцкай гміне.

З 1939 года ў БССР. З 1940 года маёнтак у Сігневіцкім сельсавеце.

У 1941—1944 гг. акупіраваны нямецка-фашысцкімі захопнікамі.

У 1950 годзе тут была створана Сігневіцкая МТС (у 1957 пераўтворана ў машынна-меліярацыйную станцыю, з 1961 будаўніча-мантажнае ўпраўленне, з 1981 ПМК-54 трэста «Брэстводбуд»), Паводле перапісу 1959 года — пасёлак ММС.

Планіроўка

Планіровачна складаецца з просталінейнай вуліцы, арыентаванай з поўначы на поўдзень, да якой прымыкаюць 2 кароткія завулкі з зах. боку, у паўночнай частцы яшчэ адна кароткая вуліца з усходняга боку.

Насельніцтва

• XIX стагоддзе:
  • 1897 — у фальварку З двары, 36 жыхароў.
• XX стагоддзе:
  • 1905 — 38 жыхароў.
  • 1924 — 1 будынак, 8 жыхароў.
  • 1940 — 2 двары, 8 жыхароў.
  • 1959 — 13 будынкаў, 30 гаспадарак, 127 жыхароў
  • 1970 — 335 жыхароў.
• XXI стагоддзе:
  • 2005 — 278 двароў, 765 жыхароў.

Славутасці

• Сядзіба Нейгофаў-Леяў (XIX ст.)

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Маравіль на сайце Глобус Беларусі (руск.)