Мсціслаў Давыдавіч
Мсціслаў Давыдавіч (у хрышчэнні Фёдар; 1193—1230) — вялікі князь смаленскі (1219—30).
Мсціслаў Давыдавіч | |
---|---|
![]() | |
Нараджэнне | 1193 |
Смерць | 1230 |
Род | Рурыкавічы |
Бацька | Давыд Расціславіч |
Дзеці | Расціслаў Мсціславіч[d] |
![]() |
Біяграфічныя звесткі
правіцьСын Давыда Расціславіча. Атрымаў Смаленскае княства пасля таго, як яго пакінуў князь Уладзімір Рурыкавіч. В. М. Тацішчаў згадвае Мсціслава Давыдавіча пад 1217 і 1221 гадамі як князя полацкага. Паводле Наўгародскага першага летапісу малодшага зводу, захапіў Полацк 17 студзеня 1222 года, пасадзіў там свайго родзіча Святаслава Мсціславіча. У «Хроніцы Лівоніі» Генрыха Латвійскага ўспамінаецца як удзельнік заключэння гандлёвага дагавору (1222) з Рыгай ад імя Полацка і Віцебска. Верагодна, у той час Мсціслаў Давыдавіч трымаў гэтыя гарады або яны знаходзіліся ў залежнасці ад яго. Заключыў дагавор 1229 года з Рыгаю і Гоцкім берагам ад імя Смаленска, Віцебска і Полацка.
Літаратура
правіць- А. В. Іоў. Мсціслаў Давыдавіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).