Мяргенцы

Мяргенцы
Краіна	Беларусь
Вобласць	Гродзенская
Раён	Лідскі
Сельсавет	Дварышчанскі
Каардынаты	53°58′42″ пн. ш. 25°25′20″ у. д.HGЯO
Насельніцтва	▼39 чал. (2009);
Часавы пояс	UTC+3
Тэлефонны код	+375 1561
Аўтамабільны код	4
СААТА	4236830081
	Мяргенцы на Вікісховішчы

Мярге́нцы^[1] (трансліт.: Miarhiency, руск.: Мергенцы), Мяргі́нцы (польск. Miergińce) — вёска ў Лідскім раёне Гродзенскай вобласці. Уваходзіць у склад Дварышчанскага сельсавета.

Геаграфія правіць

Знаходзіцца за 16 км на поўнач ад Ліды.

Рэльеф раўнінны. На поўначы і ўсходзе мясцовасць меліяравана. На поўдні вёска мяжуе з лесам.

Транспартныя сувязі па мясцовай дарозе праз в. Дворышча (Лідскі раён) і далей па шашы Ліда—Геранёны.

Назва правіць

Сярод балцка-літоўскіх двухасноўных імёнаў вядомае імя Mer-gin’as («Мергін»). Ад гэтага імя таксама былы хутар Мяргіншчына на ўсходзе ад Ушачаў (каля Дарошкавічаў). Аснова Mer- і ў двухасноўным імені Mervinas, ад якога Мервіны каля Клецка.

Так жа сама, з дапамогай канцавога элемента -цы, утвораныя тапонімы Дзярванцы, Мілюнцы, Білюнцы (цяпер «Бялюнцы»), ад імёнаў Dervanas, Miliūnas, Biliūnas (> Дзерван- Мілюн-, Білюн- + -цы).

Гісторыя правіць

У 1861 годзе вёска ў Жырмунскай воласці Лідскага павета Віленскай губерні Расійскай імперыі, уласнасць Вольскага, 42 рэвізскія душы. У 1909 годзе 156 дзесяцін зямлі, 36 коней, 82 галавы буйной рагатай жывёлы.

У 1915 годзе акупавана Германіяй, з 1921 года ў складзе Польшчы, з 1939 года — у БССР. З канца чэрвеня 1941 года да пачатку ліпеня 1944 года пад нямецка-фашысцкай акупацыяй. Да 11 студзеня 1966 года вёска ўваходзіла ў склад Тракельскага сельсавета Воранаўскага раёна^[2].

Насельніцтва правіць

1898 год — 180 жыхароў, 22 двары.
1909 год — 196 жыхароў, 29 сямей.
1921 год — 193 жыхары, 34 двары.
1960 год — 200 жыхароў.
1991 год — 91 жыхар, 43 гаспадаркі.
2004 год — 55 жыхароў, 25 гаспадарак.
2012 год — 38 жыхароў, 20 гаспадарак.
2015 год — 43 жыхары, 20 гаспадарак.

Зноскі правіць

↑ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).. Сустракаецца таксама варыянт Мяргі́нцы
↑ Рашэнне выканкома Гродзенскага абласнога Савета дэпутатаў працоўных ад 11 студзеня 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1966, № 9 (1129).

Літаратура правіць

Гарады і вёскі Беларусі: Энцыклапедыя. Т. 9: Гродзенская вобласць, кн. 2 / рэдкал.: У. У. Андрыевіч (гал. рэд.) і інш. — Мн.: Беларуская Энцыклапедыя імя Петруся Броўкі, 2016. — 848 с.: іл. — 1 500 экз. — ISBN 978-985-11-0908-7.

Спасылкі правіць

На Вікісховішчы ёсць медыяфайлы па тэме Мяргенцы

[1] Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9 (DJVU).. Сустракаецца таксама варыянт Мяргі́нцы

[2] Рашэнне выканкома Гродзенскага абласнога Савета дэпутатаў працоўных ад 11 студзеня 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1966, № 9 (1129).

[1]

[2]