Мікалай Іванавіч Янчык

Мікалай Іванавіч Янчык (22 кастрычніка 1947, г.п. Старобін, Салігорскі раён, Мінская вобласць) — беларускі архітэктар.

Мікалай Іванавіч Янчык
Дата нараджэння	22 кастрычніка 1947(1947-10-22) (77 гадоў)
Месца нараджэння	Старобін, Старобінскі раён, Бабруйская вобласць, БССР, СССР
Альма-матар	Брэсцкі інжынерна-будаўнічы інстытут (1971)
Месца працы	Магілёўграмадзянпраект Белжылпраект Будтрэст № 17[d]
Член у	Саюз архітэктараў СССР Беларускі саюз архітэктараў

Біяграфія

Скончыў у 1971 годзе Брэсцкі інжынерна-будаўнічы інстытут. Працаваў у Магілёўграмадзянпраекце, Белжылпраекце, з 1986 года — інжынер будтрэста № 17 у Магілёве.

Член Саюза архітэктараў СССР з 1975 года. Пражывае ў г. Магілёў.

Творчасць

Будынак Кустовага інфармацыйна-вылічальнага цэнтра Мінжылкамгаса БССР

Асноўныя працы: інжынерна-бытавы корпус ПКТІАМ (1974), перапрацоўка фасадаў паўторна прымяняльных жылых дамоў (1976—1981), помнік ахвярам фашызму на Лупалаўскіх могілках (1976, у аўтарскім калектыве), жылы комплекс па вул. Якубоўскага (1977—1978), жылы дом на Юбілейным бульвары (1978—1979), будынак КІВЦа Мінжылкамунгаса БССР па вуліцы Дзяржынскага (1985) у Магілёве.

Узнагароды

Узнагароджаны дыпломамі I ступені на VIII Усесаюзным аглядзе маладых архітэктараў (1981), III ступені на VII Усесаюзным аглядзе маладых архітэктараў (1976).

Літаратура

• Янчик Николай Иванович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)