Мінскэнерга

Рэспубліканскае ўнітарнае прадпрыемства «Мінскэнерга» — дзяржаўнае прадпрыемства, якое ажыццяўляе электразабеспячэнне спажыўцоў Мінска і Мінскай вобласці, цеплазабеспячэнне гарадоў: Мінск, Маладзечна, Жодзіна, Барысаў, Вілейка, Салігорск, Слуцк і пасёлкаў Рудзенск, Дружны, Свіслач. Уваходзіць у склад дзяржаўнага вытворчага аб'яднання «Белэнерга». Прадпрыемства з'яўляецца адным з найбуйнейшых падаткаплацельшчыкаў Беларусі. Колькасць персаналу энергасістэмы перавышае 14 тыс. чалавек.

Мінскэнерга
Заснаванне	2006
Размяшчэнне	Беларусь
Галіна	энергетыка[d]
Колькасць супрацоўнікаў	14 000 чал.
Сайт	minskenergo.by

Устаноўленая электрычная магутнасць энергасістэмы — 1823 МВт (з блок-станцыямі) .

Структура

РУП «Мінскэнерга» эксплуатуе больш за 60 тыс. км электрычных сетак, якія ажыццяўляюць забеспячэнне спажыўцоў электраэнергіяй, а таксама прыём і перадачу энергіі ў іншыя рэгіёны. РУП «Мінскэнерга» інтэгруе абласныя энергасістэмы ў аб'яднаную энергасістэму Беларусі.

У структуру РУП «Мінскэнерга» уваходзяць:

• Раённыя кацельні;
• Пяць цеплаэлектрацэнтраляў:
  • ЦЭЦ-2, Мінск;
  • ЦЭЦ-3, Мінск;
  • ЦЭЦ-4, Мінск;
  • Мінская ЦЭЦ-5;
  • Жодзінская ЦЭЦ;

• Чатыры міні-ЦЭЦ:
  • Маладзечанская Міні-ЦЭЦ;
  • Салігорская Міні-ЦЭЦ;
  • Вілейская Міні-ЦЭЦ;
  • Слуцкая Міні-ЦЭЦ

У склад РУП «Мінскэнерга» таксама ўключаны асноўныя лініі электраперадачы, якія злучаюць рэспубліку з энергасістэмамі Расійскай Федэрацыі і Прыбалтыйскіх дзяржаў, — ПЛ 750 кВ (падстанцыя - 750 кВ «Беларуская»).

Гл. Таксама

• Цеплаэлектрацэнтраль
• Мінская ЦЭЦ-3
• Мінская ЦЭЦ-4