Міхась Чавускі
Міхась Чавускі (сапр.: Майсей Моталевіч Чавускі, 25 снежня 1904, вёска Шапілава, Жлобінскі раён, Гомельская вобласць — 1 ліпеня 1984) — беларускі празаік, драматург.
| Міхась Чавускі | |
|---|---|
| Асабістыя звесткі | |
| Дата нараджэння | 25 снежня 1904 |
| Месца нараджэння | |
| Дата смерці | 1 ліпеня 1984 (79 гадоў) |
| Прафесійная дзейнасць | |
| Род дзейнасці | драматург, пісьменнік |
| Грамадская дзейнасць | |
| Член у | |
Біяграфія
правіцьНарадзіўся ў сям'і вясковага шаўца. З 1917 г. — наборшчык у друкарні ў Жлобіне, з 1924 г. — у Мінску. Служыў у пагранічных войсках (1926—1928). Працаваў у Белспажыўсаюзе, рэдагаваў газету палітаддзела Плешчаніцкай МТС, мінскую сельскую раённую газету, быў інструктарам ЦК КПБ, адказным кіраўніком і галоўным рэдактарам БелТА. У 1934—1937 гг. вучыўся завочна ў Камуністычным інстытуце журналістыкі ў Ленінградзе. У час Вялікай Айчыннай вайны — адказны рэдактар газеты-плаката «Раздавім фашысцкую гадзіну» (1941—1943), затым — сатырычнай газеты Вілейскага абкама «Партызанскае слова» (1943). У пасляваенныя гады — намеснік старшыні Камітэта па радыёвяшчанні пры СНК БССР (1944—1947), галоўны рэдактар, потым загадчык аддзела фельетонаў часопіса «Вожык» (1947—1961), дырэктар Бюро прапаганды мастацкай літаратуры СП БССР (1964—1970). Сябра СП СССР з 1957 г.
Творчасць
правіцьЗ артыкуламі ў рэспубліканскім друку пачаў выступаць у 1937 г. Выдаў зборнікі апавяданняў, фельетонаў, аднаактовак і сцэнак «Крытычны момант» (1954), «Індык на курорце» (1960), «Рука руку мые» (1964), «Чаму ж не смяяцца?» (1969), «Стрэляны Вераб'ёў» (1976), дакументальную аповесць «Фарбамі гневу» (1975, дапоўненае выданне ў 1978).
Зноскі
Літаратура
правіць- Міхась Чавускі // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995.