Міхаіл Дзмітрыевіч Каўцэвіч

Міхаіл Дзмітрыевіч Каўцэвіч (25 ліпеня 1899, мяст. Любча, Навагрудскі павет, Мінская губерня, цяпер Навагрудскі раён — 27 кастрычніка 1937, НКУС, Менск) — беларускі электратэхнік. Кандыдат тэхнічных навук (1932).

Міхаіл Дзмітрыевіч Каўцэвіч
Дата нараджэння	25 ліпеня 1899(1899-07-25)
Месца нараджэння	Любча, Навагрудскі павет, Мінская губерня, Расійская імперыя
Дата смерці	27 кастрычніка 1937(1937-10-27) (38 гадоў)
Месца смерці	НКУС Менска[d], Менск, БССР, СССР
Род дзейнасці	электратэхнік
Месца працы	Фізіка-тэхнічны інстытут НАН Беларусі
Навуковая ступень	кандыдат тэхнічных навук
Альма-матар	Чэшскі тэхнічны ўніверсітэт
Член у	Саюз студэнтаў — грамадзян БССР

Біяграфія

У 1922 годзе эміграваў з Заходняй Беларусі ў Чэхаславакію. У 1928 годзе скончыў Пражскі электрамеханічны інстытут; у 1928—1930 гадах аспірант гэтага інстытута. У верасні 1927 у Празе пазнаёміўся з Я. Купалам.

У 1926-1929 гадах старшыня Саюза студэнтаў — грамадзян БССР.

У 1930 годзе пераехаў у БССР, атрымаў савецкае грамадзянства. Пасля пераезду ў БССР бываў у доме Я. Купалы ў Мінску. З 1931 старшы навуковы супрацоўнік Фізіка-тэхнічнага інстытута БелАН, з 1932 вучоны сакратар інстытута. Кандыдат тэхнічных навук (1932).

У 1931—1932 гадах член бюро палітэмігрантаў пры ЦК Міжнароднай арганізацыі дапамогі барацьбітам рэвалюцыі (МОПР) БССР.

Арыштаваны 25 жніўня 1937 года. Асуджаны асобнай тройкай 25 кастрычніка 1937 г. да НМП. Расстраляны 27 кастрычніка 1937 г. у Менску. Рэабілітаваны ў 1957 г.

Літаратура

• КАЎЦЭВІЧ Міхаіл Дзмітрыевіч // Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.