Мікалай Кірылавіч Шэхаў

Мікалай Кірылавіч Шэхаў (13 лютага 1927, в. Казлова Возера, Вяземскі раён, Смаленская вобласць, Расія — 21 мая 1999) — беларускі артыст балета. Народны артыст БССР (1964).

Мікалай Кірылавіч Шэхаў
Дата нараджэння	13 лютага 1927(1927-02-13)
Месца нараджэння	Казлова Возера, Ярмолінскае сельскае паселішча[d], Вяземскі раён, Заходняя вобласць, СССР
Дата смерці	21 мая 1999(1999-05-21) (72 гады)
Адукацыя	Беларускае дзяржаўнае харэаграфічнае вучылішча (1948)
Тэатр	Нацыянальны акадэмічны Вялікі тэатр оперы і балета Рэспублікі Беларусь
Узнагароды

Біяграфія

Скончыў у 1948 годзе Беларускае харэаграфічнае вучылішча. У 1944—1966 гадах саліст Дзяржаўнага тэатра онеры і балета Беларусі.

Творчасць

Творчасць М. Шэхава вызначалася мужнай, энергічнай манерай, высокай тэхнікай дуэтнага танца, драматычнай выразнасцю. Стварыў рэльефныя вобразы ў спектаклях беларускага і класічнага рэпертуару. Сярод партый: Васіль, Міхась («Князь-возера», «Аповесць пра каханне» В. Залатарова), Андрэй, бацька Анежкі («Падстаўная нявеста», «Святло і цені» Г. Вагнера), Конрад («Карсар» А. Адана), Феб («Эсмеральда» Ц. Пуні), Раб («Баядэрка» Л. Мінкуса) і інш. Выконваў характарныя танцы ў балетных і оперных спетаклях («Лебядзінае возера» П. Чайкоўскага, «Дон Кіхот» Л. Мінкуса, «Папялушка» С. Пракоф’ева, «Кармэн» Ж. Бізэ, «Канёк-Гарбунок» Ц. Пуні і інш.).

Літаратура

• Чурко Ю. Шэхаў Мікалай Кірылавіч // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).