Нараў

На́раў — рака ў Пружанскім, Свіслацкім раёнах Беларусі і Польшчы, правы прыток Віслы, да 1962 г. быў правым прытокам Заходняга Буга.

Нараў
польск. Narew
Рака Нараў на Падляшшы (Польшча)
Характарыстыка
Даўжыня	484 км
Басейн	75 175 км²
Расход вады	320 м³/с
Вадацёк
Выток
• Каардынаты	52°45′50″ пн. ш. 24°23′05″ у. д.
Вусце
• Каардынаты	52°26′00″ пн. ш. 20°40′32″ у. д.
Размяшчэнне
Водная сістэма	Вісла → Балтыйскае мора
Краіны	Беларусь Польшча
выток вусце
Медыяфайлы на Вікісховішчы

Пры зліцці рэк Вісла і Нараў (бачна крэпасць Модлін)

Даўжыня 497 км, у межах Беларусі 44 км. Вадазбор 74,8 тыс. км². Сярэднегадавы расход вады ў межах Беларусі (з прытокамі, якія ўпадаюць на тэрыторыі Польшчы) 5 м³/с. Сярэдні нахіл воднай паверхні ў межах Беларусі 0,3 ‰.

Асноўныя прытокі

Справа: Мядзянка, Рудаўка, Пчолка, Калонка, Бебжа, Шса, Амулёў, Вкра. Злева: Нямержанка, Тушамлянка, Нараўка.

Агульнае

Пачынаецца з вярхоўя Скаронава канала за 6 км на паўночны ўсход ад в. Клепачы Пружанскага раённа, вусце на тэрыторыі Польшчы. У Беларусі цячэ па Прыбужскай раўніне праз Белавежскую пушчу. Замярзае ў 1-й дэкадзе снежня, крыгалом у сярэдзіне сакавіка. Шырыня ракі ў межань 8—10 м.

Даліна ў межах Беларусі амаль на ўсім працягу невыразная. Каналізавана 13 км рэчышча ад вытоку да вусця канала Матылёў Роў; на астатнім працягу яно звілістае, месцамі выраўнаванае.

Літаратура

• Ресурсы поверхностных вод СССР. Описание рек и озёр и расчёты основных характеристик их режима. Т. 5. Белоруссия и Верхнее Поднепровье. Ч. 1–2. – Л., 1971.
• Природа Белоруссии: Попул. энцикл. / БелСЭ; Редкол.: И. П. Шамякин (гл. ред.) и др. — Мн.: БелСЭ, 1986. — 599 с., 40 л. ил. (руск.)
• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.