Наталля Сцяпанаўна Бучынская

Наталля Бучынская (нар. 24 лютага 1970, в. Ідолта, Мёрскі раён, Віцебская вобласць, Беларусь) — беларуская дзіцячая пісьменніца.

Наталля Бучынская
Асабістыя звесткі
Імя пры нараджэнні	Наталля Сцяпанаўна Масла
Дата нараджэння	24 лютага 1970(1970-02-24) (54 гады)
Месца нараджэння	Ідолта, Павяцкі сельсавет, Мёрскі раён, Віцебская вобласць, БССР, СССР
Грамадзянства	Беларусь
Альма-матар	філалагічны факультэт БДУ
Прафесійная дзейнасць
Род дзейнасці	пісьменніца
Гады творчасці	з 1986
Кірунак	казкі
Мова твораў	беларуская
Дэбют	1986, г. «Сцяг працы» (Мёрскі раён)
Медыяфайлы на Вікісховішчы

Біяграфія

Нарадзілася ў сям’і настаўнікаў. У 1993 годзе скончыла філалагічны факультэт БДУ (аддзяленне беларускай і рускай мовы і літаратуры).

Творчасць

Дэбютавала ў 1986 годзе з казкай у газеце «Сцяг працы» (Мёрскі раён). Яе казкі гучалі ў радыёперадачы «Рамантыкі», публікаваліся ў дзіцячых часопісах «Вясёлка», «Островок», «Городской газете», у зборніках серыі «Беларуская аўтарская казка» (выдавецтва «Мастацкая літаратура»): «Чароўныя пацеркі», «Вежа міру», «Залаты талер», у зборніку «Блакітная кніга ў творах беларускіх пісьменнікаў» (выдавецтва «Літаратура і мастацтва»), у зборніках серыі «Школьная бібліятэка», у «Зборніку апавяданняў для пазакласнага чытання вучняў пачатковай школы» і «Пакліч у госці сонца».

У 2023 годзе ў межах III Міжнароднага форума даследчыкаў беларускай казкі, які праводзіўся Цэнтрам даследаванняў беларускай культуры, мовы і літаратуры НАН Беларусі, прымала ўдзел у круглым стале «Сучасная літаратурная казка: суадносіны фальклорнай і літаратурнай традыцыі».

На Міжнародным форуме даследчыкаў беларускай казкі разам з іншымі беларускімі дзіцячымі пісьменнікамі (2023 г.)

Бібліяграфія

• «Чароўныя пацеркі» (2006 г.) — зборнік казак (укладальнік А. С. Масла).
• «Прыгоды маленькай Машынкі» (2008 г.) — кніга з серыі «Казкі XXI стагоддзя». У 2012 годзе з’явіўся яе аўтарскі пераклад на рускую мову.
• «Незабыўныя сустрэчы з авечкай Адэляй, або Adeljastartut.by» (2013 г., «Мастацкая літаратура»). У 2014 годзе кніга была намінавана на літаратурную прэмію Гедройца. З гісторыямі пра авечку Адэлю Наталля Бучынская дэбютавала на ста­рон­ках ча­со­пі­са «Бя­роз­ка» і га­зе­ты «Лі­та­ра­ту­ра і мас­тац­тва».
• Бучынская, Н. С. Адэля адкрывае ў сабе кулінарны талент // Вясёлка : часопіс. — май, 2015. — № 5 (698). — С. 72—73.
• «Атракцыёны для вадзянікоў: былі і небыліцы пра жыццё надводнае і падводнае» (2015 г., «Мастацкая літаратура») — тры казачныя гісторыі, у кожнай дзеючыя асобы — жыхары вадаёма: вадзяні, якія ладзілі ў возеры Доўгім атракцыёны; бабрыная сямейка, якая шануе Чырвоную кнігу Беларусі; і Наяда марская, якая дзеля салаўіных песень перабралася жыць з мора ў беларускія вадаёмы.
• «Прынцэса Алівія і „жабіны вочкі“» (2019 г., «Беларусь»)
• Бучынская, Н. С. Гіпермаркет у падарунак // З Днём народзінаў, альбо свята, якое ёсць у кожнага / уклад. А. Спрынчан. — Мн.: Мастацкая літаратура, 2019.
• «Рыцар Квых і „жабіны вочкі“» (2020 г., «Беларусь») — другая частка казкі пра прынцэсу Алівію. Дзяўчынка Зоська разам з Квыхам і Кваканцыяй выпраўляецца ва ўладанні Жудаса Першага. Трапіўшы ў палон, яна бліжэй знаёміцца за прынцам Казімірам і распрацоўвае са сваёй кампаніяй план яго выратавання.
• «Ква-Фея, Кваканцыя і „жабіны вочкі“» (2021 г., «Беларусь») — трэяя частка казкі пра прынцэсу Алівію. Чарадзейная сіла незабудак, небяспека цмачынай прысутнасці, суровасць магічнага прысуду, знаходлівасць і адданасць Кваканцыі — усімі гэтымі загадкамі і таямніцамі кніга гатовая падзяліцца са сваімі чытачамі.
• «Лета з цмокам Цвыркуном» (2023 г., «Беларусь») — расказ пра эксперымент з «выжываннем у дзікіх умовах».

Літаратура

• Вольга Казлова, Святлана Чарная Ах, фестиваль!(руск.) // Качели : часопіс. — 2015. — № 6. — С. 8. — ISSN 1994-392X.

Спасылкі

Вонкавыя відэафайлы
	Выпуск праграмы «Ды@блог пра літаратуру» з удзелам Н. Бучынскай (тэлеканал «Беларусь 3», 29.12.2014)