Павел Міхайлавіч Шруб

Павел Міхайлавіч Шруб (20 лютага 1955, вёска Хільчыцы, Жыткавіцкі раён, Гомельская вобласць) — беларускі паэт.

Павел Міхайлавіч Шруб
Асабістыя звесткі
Дата нараджэння	20 лютага 1955(1955-02-20) (66 гадоў)
Месца нараджэння	Хільчыцы, Рычоўскі сельсавет, Тураўскі раён, Гомельская вобласць, БССР, СССР
Грамадзянства	Беларусь
Альма-матар	Санкт-Пецярбургскі дзяржаўны ўніверсітэт (1977) Мінская вышэйшая школа МУС СССР (1987)
Месца працы	Наваполацкі політэхнічны інстытут
Прафесійная дзейнасць
Род дзейнасці	паэт
Прэміі	Прэмія Ленінскага камсамола Беларусі[d] (1988)

Біяграфія

Нарадзіўся ў сялянскай сям’і. Скончыў фізічны факультэт Ленінградскага ўніверсітэта (1977). Працаваў старшым інжынерам кафедры фізікі Наваполацкага політэхнічнага інстытута (1977—1979). Служыў у Савецкай Арміі (1981—1983). З 1983 г. — выкладчык-метадыст Мінскай спецыяльнай сярэдняй школы міліцыі. Скончыў завочна Мінскую вышэйшую школу Міністэрства ўнутраных спраў СССР (1987).

Творчасць

У рэспубліканскіх выданнях друкуецца з 1979 г. Аўтар зборніка вершаў «Лабараторыя» (1987).

Лаўрэат прэміі Ленінскага камсамола Беларусі (1988) за зборнік вершаў «Лабараторыя».