Пенніцы

Пе́нніцы, слінявіцы (Aphrophoridae) — сямейства сысучых насякомых падатраду цыкадавых.

Пенніцы
Aphrophora alni
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Атрад:  Паўцвердакрылыя Падатрад:  Цыкадавыя Інфраатрад:  Цыкадавыя Надсямейства:  Cercopoidea Сямейства:  Пенніцы
Міжнародная навуковая назва
Aphrophoridae Amyot & Audinet-Serville, 1843
Сістэматыка на Віківідах Выявы на Вікісховішчы ITIS   955979 NCBI   36666 EOL   564 FW   225340

Апісанне

Лічынка пад пенай

Даўжыня да 12 мм. Афарбоўка зеленаватая, бурая, радзей чорная або плямістая. Спіна апушаная, надкрылы шчыльныя, скурыстыя. Заднія ногі скакальныя. Кормяцца сохамі раслін. Лічынкі развіваюцца на раслінах у камяках пенападобнай слізі, т. зв. «зязюліны сліны» (адсюль другая назва), якую выдзяляюць спецыяльныя васковыя залозы. У тропіках некаторыя віды пенніц утвараюць капеж з выдзяленняў.

Экалогія

Налічваецца каля 3 тысяч відаў. Пашыраны ў тропіках і ўмераных зонах. Жывуць пераважна ва ўвільготненых мясцінах. На Беларусі найбольш пашыраны пенніца альховая (Aphrophora alni), пенніца звычайная, або слінявая (Philaenus spumarius), пенніца цвердакрылая (Lepyronia coleoptrata). Пенніца звычайная шкодзіць сцяблам і лісцю пладовых дрэў, пладовых і дэкаратыўных кустоў, суніц і інш.

Літаратура

• Максімава С., Шалапёнак А. Пенніцы // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — 576 с. — 10 000 экз. — ISBN 985-11-0035-8. — ISBN 985-11-0198-2 (т. 12).