Прынцэса Айко
Айко, прынцэса Тосі (яп.: 敬宮愛子内親王; Тосі-но-мія Айко Найсіно; нар. 1 снежня 2001, Токіа) — дачка 126-га імператара Японіі Нарухіта і імператрыцы Масако.
| Айко | ||||
|---|---|---|---|---|
| 敬宮愛子内親王 | ||||
.jpg) | ||||
|
||||
| Нараджэнне |
1 снежня 2001 (22 гады) |
|||
| Род | Японскі імператарскі дом | |||
| Бацька | Нарухіта[1] | |||
| Маці | Масака[d][1] | |||
| Веравызнанне | сінтаізм | |||
| Адукацыя |
|
|||
| Узнагароды |
 |
|||
 Медыяфайлы на Вікісховішчы | ||||
Біяграфія
правіцьАйко нарадзілася 1 снежня 2001 года ў 14:43 па стандартным японскім часе ў Токіа. Іерогліфы яе імя азначаюць: «любоў» і «дзіця» — «дзіця любові». Айко таксама носіць імперскі тытул прынцэсы Тосі (яп.: 敬宮 Тосі-но-мія), што значыць: «чалавек, які паважае іншых». Калі яна выйдзе замуж за простага чалавека, ёй прыйдзецца адмовіцца ад гэтага тытула. Імператарскі Сямейны Закон 1947 года адмяніў японскае дваранства; і, згодна з палажэнням гэтага закона, колькасць «афіцыйных» членаў у імператарскай сям’і абмежавана нашчадкамі Імператара Тайсё.
У парушэнне традыцый, яе імя было абрана яе бацькамі, а не імператарам. Яно было ўзята з вучэння кітайскага філосафа Мэн-цзы. Ён лічыць, што «чалавек, які любіць іншых, будзе любімы іншымі, і чалавек, які паважае іншых, будзе заўсёды паважаны іншымі».
У 2005 годзе прынцэса Тосі пачала навучацца ў Нацыянальным Дзіцячым Замку ў Токіа. Яна любіла рабіць гліняны посуд, рытмічную гімнастыку і даглядаць за кветкамі і жывёламі ў палацы Тогу разам з прынцэсай Масако.
Прынцэса Тосі (ці прынцэса Айко, як яна больш вядомая) пачала сваю афіцыйную адукацыю ў дзіцячым садзе Гакусюін ў красавіку 2006 года і скончыла яго ў сакавіку 2008 года. У красавіку 2008 года прынцэса Айко паступіла ў пачатковую школу Гакусюін, а ў красавіку 2014 года — у сярэднюю школу Гакусюін[3].
Заўзятарка сумо, яна наведала ў першы раз басё ў верасні 2006 года разам са сваімі бацькамі.
Прынцэса Айко любіць пісаць і часам стварае сцэнарыі для п’ес. Таксама спявае і грае на музычных інструментах — фартэпіяна і скрыпцы.
Трон
правіцьСпрэчкі
правіцьНараджэнне прынцэсы Айко дало штуршок ажыўленым спрэчкам у Японіі адносна таго, ці павінна дзеючая сістэма атрымання ў спадчыну па мужчынскай лініі, выкладзеная ў Законе Імператарскага Дома 1947 года, быць змененая ў бок першародства, што дазволіла б жанчыне атрымаць у спадчыну Хрызантэмавы Трон, нават пры наяўнасці ў яе малодшага брата. Хоць у імператарскіх хроніках японскай гісторыі знаходзяць восем кіруючых імператрыц, іх пераемнікі часта выбіраліся сярод мужчын, якія паходзілі па крыві з Імператарскага Дома. З прычыны гэтага некаторыя кансерватыўныя навукоўцы даказваюць, што жаночае панаванне было часовым, і традыцыя атрымання ў спадчыну стальца толькі па мужчынскай лініі павінна падтрымлівацца і ў 21-м стагоддзі. Імператрыца Гэмэй, сталец якой спадкавала яе дачка Імператрыца Гэнсё, застаецца адзіным выключэннем.
Прызначаная ўрадам група экспертаў прадставіла 25 кастрычніка 2005 года даклад, згодна з якім было рэкамендавана змяніць Імператарскі закон аб парадку атрымання ў спадчыну ад прынцыпу мужчынскага першародства ў бок абсалютнага першародства. 20 студзеня 2006 года прэм’ер-міністр Дзюн’іціра Каідзумі адвёў частку сваёй штогадовай праграмнай прамовы абмеркаванню дадзенага пытання, калі ён абавязаўся прадставіць законапраект у парламент, які дазваляе жанчынам спадкаваць імператарскі сталец у будучыні. Каідзумі не абвясціў час стварэння і дэталі законапраекта, але адзначыў, што распрацоўка будзе праводзіцца ў адпаведнасці з высновамі ўрадавай групы 2005 года.
Стрыечны брат
правіць
Планы па змене закона аб атрыманні ў спадчыну трона па мужчынскай лініі былі адкладзеныя пасля таго, як у лютым 2006 года было абвешчана, што брат бацькі, прынц Акісіна (Фуміхіта), і яго жонка, прынцэса Кіка, чакаюць нараджэння іх трэцяга дзіцяці. 6 верасня 2006 года прынцэса Кіка нарадзіла сына, прынца Хісахіта, які стаў трэцім у парадку атрымання ў спадчыну Хрызантэмавага Трона згодна з гэтым законам, пасля яго дзядзькі, наследнага прынца Нарухіта, і яго бацькі, прынца Акісіна (Фуміхіта). Нараджэнне прынца забяспечыла першага мужчынскага нашчадка, які быў народжаны ў імператарскай сям’і за апошнія 41 год. 3 студзеня 2007 прэм’ер-міністр Сіндза Абэ заявіў, што здымае прапанову аб змене Закона Імператарскага Дома. Таму, здаецца, усё менш верагодным, што палажэнні аб пераходзе ў спадчыну прастола будуць зменены, для таго, каб дазволіць стрыечнай сястры Хісахіта, прынцэсе Айко, стаць кіруючай Імператрыцай. Калі прынцэса стане кіруючай Імператрыцай, у выпадку калі законы будуць зменены, то ў будучыні і іншыя прынцэсы Імператарскай Дома змогуць заняць імператарскі трон.
У 2001 годзе Аўстралійскім манетным дваром у Перце была выпушчаная накладам 300 асобнікаў сярэбраная манета якасцю пруф, вагой 1 кілаграм, прысвечаная нараджэнню прынцэсы Айко — першага дзіцяці прынца Нарухіта і прынцэсы Масако.