Пётр Уладзіміравіч Карповіч

Пётр Уладзіміравіч Карповіч (3 кастрычніка 1874, Гомель – 13 красавіка 1917) – рэвалюцыянер.

Пётр Уладзіміравіч Карповіч
Род дзейнасці	рэвалюцыянер
Дата нараджэння	3 кастрычніка 1874(1874-10-03)
Месца нараджэння	Гомель, Гомельскі павет, Магілёўская губерня, Расійская імперыя
Дата смерці	13 красавіка 1917(1917-04-13) (42 гады)
Месца смерці	Паўночнае мора, Нарвегія
Грамадзянства	Расійская імперыя
Альма-матар	Слуцкая гімназія Імператарскі Дэрпцкі ўніверсітэт
Партыя	Расійская сацыял-дэмакратычная рабочая партыя
Член у	Гомельская сацыял-дэмакратычная група
Медыяфайлы на Вікісховішчы

Закончыў Слуцкую гімназію, падчас вучобы пазнаёміўся з А. Абуховічам. Быў актыўным удзельнікам Гомельскай сацыял-дэмакратычнай групы. Паступіў у Маскоўскі ўніверсітэт, потым – у Тартускі, Берлінскі. Быў адлічаны за ўдзел у студэнцкім руху, распаўсюджанне марксісцкай літаратуры. У Берліне ён зблізіўся з эсэрамі. У 1901 годзе ў знак пратэсту супраць палітычных рэпрэсій студэнцтва смяротна параніў расійскага міністра асветы Мікалая Паўлавіча Багалепава. Карповіча прыгаварылі да 20 гадоў катаргі. Ён уцёк з Сібіры за мяжу і рыхтаваў забойства Мікалая ІІ, але справа правалілася. У 1917 годзе на параходзе з Англіі вяртаўся ў Расію. У Паўночным моры судна тарпедавала германская лодка. Пётр Карповіч загінуў. У памяць пра яго ў Гомелі названа вуліца.

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).