Лешча (рака)
Ле́шча — рака ў Шклоўскім раёне Магілёўскай вобласці і Аршанскім раёне Віцебскай вобласці, левы прыток ракі Дняпро.
| Лешча | |
|---|---|
| Характарыстыка | |
| Даўжыня | 33 км |
| Басейн | 191 км² |
| Расход вады | 1,2 м³/с (у вусці) |
| Вадацёк | |
| Выток | |
| • Месцазнаходжанне | за 2,5 км ад вёскі Акунёўка |
| • Каардынаты | 54°13′13,90″ пн. ш. 30°31′37,40″ у. д.HGЯO |
| Вусце | Дняпро |
| • Месцазнаходжанне | у межах вёскі Зорная |
| • Вышыня | 147,3[1] м |
| • Каардынаты | 54°25′03,30″ пн. ш. 30°24′18,60″ у. д.HGЯO |
| Ухіл ракі | 1,3 м/км |
| Размяшчэнне | |
| Водная сістэма | Дняпро → Чорнае мора |
| Краіна | |
| Рэгіёны | Магілёўская вобласць, Віцебская вобласць |
| Раёны | Шклоўскі раён, Аршанскі раён |
   |
|
|
— выток, — вусце |
|
Даўжыня ракі 33 км. Плошча вадазбору 191 км². Сярэднегадавы расход вады ў вусці каля 1,2 м³/с. Сярэдні нахіл воднай паверхні 1,3 м/км.
Пачынаецца за 2,5 км на паўночны захад ад вёскі Акунёўка Шклоўскага раёна, вусце ў межах вёскі Зорная Аршанскага раёна. Цячэ на паўночнай ускраіне Аршанска-Магілёўскай раўніны. Асноўны прыток — Хватаўка (справа).
Даліна ў вярхоўі невыразная, у сярэдняй і нізкай плыні скрынкападобная, шырынёй ад 0,2 да 1 км. Схілы парэзаны ярамі. Абалона двухбаковая, высокая, сухая. Рэчышча каналізаванае на працягу 20 км (ад вытоку да вёскі Лешча Шклоўскага раёна), ніжэй звілістае; шырыня яго ў нізкай плыні 5—6 м. Берагі ў высокай і сярэдняй плыні ўмерана стромкія і стромкія, у нізкай — абрывістыя.
Каля ракі населеныя пункты Якаўлевічы, Лешча, Магераўка, Антонаўка, Сцяпкова і інш.
Зноскі
Літаратура правіць
- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
- Пятроўскі А. М. Лешча // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 168. — 588 с., іл. — 10 000 экз.
- Республика Беларусь. Витебская область. Оршанский район: карта / Ред. В. А. Змачинская. — Мн.: Белкартография, 2008. — 10 000 экз.
- Республика Беларусь. Могилёвская область. Шкловский район: карта / Ред. В. А. Змачинская. — Мн.: РУП «Белкартография», 2006. — 3 000 экз.