Рафаэль Маркес

Рафаэ́ль Ма́ркес А́льварэс (ісп.: Rafael Márquez Álvarez; нар. 13 лютага 1979, Самора-дэ-Ідальга, Мексіка) — былы мексіканскі футбаліст, абаронца. Ігрок нацыянальнай зборнай Мексікі (1997—2018). Выступаў на пазіцыі цэнтральнага абаронцы, аднак, таксама, мог згуляць на пазіцыі апорнага паўабаронцы. Шырока вядомы як адзін з самых выбітных мексіканскіх абаронцаў за ўсю гісторыю. Маркес з’яўляецца першым іграком, які чатыры разы быў капітанам на чэмпіянатах свету (2002, 2006, 2010, 2014). У сябе на радзіме ў Мексікцы Рафаэль часцяком крытыкаваўся за сваю недысцыплінаванасць, гэта значыць Маркес можа атрымаць чырвоную картку ў важных матчах.

Рафаэль Маркес
Агульная інфармацыя
Поўнае імя	Рафаэль Маркес Альварэс
Мянушка	El Kaiser de Michoacán
Нарадзіўся	13 лютага 1979(1979-02-13)[…] (45 гадоў) Самора-дэ-Ідальга[d], муніцыпалітэт Самора[d], Мічаакан, Мексіка
Грамадзянства	Мексіка
Рост	182 см
Вага	74 кг
Пазіцыя	цэнтральны абаронца, апорны паўабаронца
Інфармацыя пра клуб
Клуб	завяршыў кар’еру
Клубная кар’ера
1996—1999 Атлас 77 (6) 1999—2003 Манака 87 (5) 2003—2010 Барселона 163 (9) 2010—2012 Нью-Ёрк Рэд Булз 44 (1) 2013—2014 Леон 50 (1) 2014—2015 Элас Верона 35 (0) 2016—2018 Атлас 58 (1)
Нацыянальная зборная
1999 Мексіка (да 20) 4 (2) 1997—2018 Мексіка 146 (19)
Узнагароды і медалі
Кубкі канфедэрацый Золата Мексіка 1999 Залатыя кубкі КАНКАКАФ Золата Мексіка/ЗША 2003 Срэбра ЗША 2007 Золата ЗША 2011 Кубкі Амерыкі Бронза Парагвай 1999 Срэбра Калумбія 2001 Бронза Венесуэла 2007
Медыяфайлы на Вікісховішчы

Кар’ера

Клубная

Маркес пачынаў сваю кар’еру ў гвадалахарскім клубе «Атлас», у якім ён дэбютаваў у 17 гадоў. Пасля паспяховых выступаў у клубе, згуляўшы за яго ў 77 гульнях, Маркес атрымаў запрашэнне ў нацыянальную зборную Мексікі ў 1997 годзе. У 1999 годзе за 6 млн еўра абаронца перайшоў у «Манака». У Францыі поспех таксама хутка прыйшоў да Маркеса, і ўжо ў першым сваім сезоне ён дапамог камандзе стаць чэмпіёнам Францыі. Нягледзячы на прапановы з больш заможных клубаў, Маркес заставаўся ў «Манака» да 2003 года, пасля чаго перайшоў у «Барселону» за 5 млн еўра.

У першым сезоне ў іспанскім клубе мексіканец адгуляў у 21 гульні, выступаючы на пазіцыі цэнтральнага абаронцы, і дапамог камандзе заняць другое месца ў чэмпіянаце. У другім сезоне Маркес гуляў у асноўным на пазіцыі апорнага паўабаронцы, паколькі траўмы атрымалі Тыягу Мота, Эдмілсан і Херард Лопес. Ён правёў выдатны сезон, з’яўляючыся адным з найважнейшых ігракоў «Барселоны», якая стала чэмпіёнам Іспаніі. У «Барселоне» Рафаэль выступаў пад 4 нумарам.

1 жніўня 2010 года Маркес падпісаў кантракт з клубам МЛС «Нью-Ёрк Рэд Булз», куды адправіўся за сваім аднаклубнікам Цьеры Анры. У 2014 годзе вярнуўся ў Еўропу ў італьянскі клуб «Верона».

У снежні 2015 года абвясціў аб вяртанні ў родны клуб «Атлас», у складзе якога і завяршыў кар’еру.

Міжнародная

За нацыянальную зборную Мексікі дэбютаваў 5 лютага 1997 года ў матчы супраць зборнай Эквадора. У складзе зборнай прыняў ўдзел у пяці чэмпіянатах свету, шасці Кубках Амерыкі, чатырох Залатых кубках КАНКАКАФ, трох Кубках канфедэрацый.

3 ліпеня 2018 года, пасля завяршэння выступу мексіканскай зборнай на чэмпіянаце свету ў Расіі, абвясціў аб завяршэнні кар’еры як у зборнай, так і на клубным узроўні.

Дасягненні

Клубныя

«Манака»:

• Чэмпіён Францыі: 2000
• Уладальнік Кубка французскай лігі: 2003
• Уладальнік Суперкубка Францыі: 2000

«Барселона»:

• Чэмпіён Іспаніі (4): 2005, 2006, 2009, 2010
• Уладальнік Кубка Іспаніі: 2009
• Уладальнік Суперкубка Іспаніі (3): 2005, 2006, 2009
• Пераможца Лігі чэмпіёнаў (2): 2006, 2009
• Уладальнік Суперкубка Еўропы: 2009
• Пераможца клубнага чэмпіянату свету: 2009

«Леон»:

• Чэмпіён Мексікі (2): 2013 (а), 2014 (к)

Міжнародныя

Мексіка:

• Уладальнік Кубка канфедэрацый: 1999
• Уладальнік Залатога кубка КАНКАКАФ (2): 2003, 2011

Спасылкі

• На Вікісховішчы ёсць медыяфайлы па тэме Рафаэль Маркес
• Афіцыйны сайт