Вікіпедыя

Тыягу Мота

італьянскі футбаліст і трэнер

Тыягу Мота (парт.: Thiago Motta; нар. 28 жніўня 1982, Сан-Бернарду-ду-Кампу, Бразілія) — італьянскі футбаліст бразільскага паходжання (апорны паўабаронца) і трэнер. Ігрок нацыянальнай зборнай Італіі (2011—2016). У цяперашні час працуе галоўным трэнерам клубам «Балоння».

Футбол
Тыягу Мота
Агульная інфармацыя
Нарадзіўся 28 жніўня 1982(1982-08-28)[1][2][…] (41 год)
Грамадзянства  Бразілія
 Італія
Рост 187 см
Вага 83 кг
Пазіцыя паўабаронца
Інфармацыя пра клуб
Клуб Італія Балоння
Пасада галоўны трэнер
Клубная кар’ера[* 1]
1999—2007 Іспанія Барселона 96 (6)
1999—2001 →  Іспанія Барселона B 84 (11)
2007—2008 Іспанія Атлетыка Мадрыд 6 (0)
2008—2009 Італія Джэноа 27 (6)
2009—2012 Італія Інтэрнацыянале 55 (11)
2012—2018 Францыя Пары Сен-Жэрмен 166 (8)
Нацыянальная зборная[* 2]
1999 Бразілія Бразілія (да 17) 19 (1)
2003 Бразілія Бразілія (да 23) 8 (1)
2011—2016 Італія Італія 30 (1)
Трэнерская кар’ера
2018—2019 Францыя Пары Сен-Жэрмен юн.
2019 Італія Джэноа
2021—2022 Італія Спецыя
2022— Італія Балоння
Узнагароды і медалі
Чэмпіянаты Еўропы
Срэбра Польшча/Украіна 2012
Залатыя кубкі КАНКАКАФ
Срэбра Мексіка/ЗША 2003
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 12 верасня 2022.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 30 ліпеня 2017
Лагатып Вікісховішча Медыяфайлы на Вікісховішчы

Выхаванец футбольнай школы «Барселоны», за якую гуляў на прафесійным узроўні з 2001 па 2007 гады. Мота згуляў 2 матчы за нацыянальную зборную Бразіліі на Залатым кубку КАНКАКАФ у 2003 годзе. У 2011 годзе дэбютаваў у зборнай Італіі, бо паводле правілаў ФІФА футбаліст мае права раз за кар’еру змяніць «футбольнае падданства», калі ў яго ёсць падвойнае грамадзянства, і ён не быў зайграны ў афіцыйным матчы за нацыянальную зборную. На Залатым кубку КАНКАКАФ Бразілія выступала ў якасці запрошанай зборнай і дадзены турнір для яе не з’яўляецца асноўным кантынентальным спаборніцтвам, у адрозненне ад Кубка Амерыкі.

Клубная кар’ера правіць

«Барселона» правіць

Мота пачаў сваю прафесійную кар’еру ў «Барселоне B» у 1999 годзе, а ў першай камандзе каталонскага клуба дэбютаваў 3 кастрычніка 2001 года ў матчы супраць «Мальёркі».

У Лізе чэмпіёнаў сезона 2001/02 Мота згуляў 7 матчаў і дапамог камандзе дайсці да паўфіналу турніру. Хоць ён і дэманстраваў якасную гульню, канкурэнцыя за месца ў цэнтры поля не дазволіла яму замацавацца ў асноўным складзе. Бразілец згуляў толькі 13 матчаў у Прымеры сезона 2002/03. Аднак у апошніх чэмпіёнскіх сезонах Мота праводзіў усё больш часу на футбольным полі, хоць траўмы стала пераследвалі яго. Тым не менш, яго роля ў перамозе «Барселоны» ў Лізе чэмпіёнаў і ў двух чэмпіянатах Іспаніі была даволі важкай.

«Атлетыка» правіць

У чэрвені 2007 года спартыўны дырэктар «Барселоны» Чыкі Бегірыстайн абвясціў аб тым, што Мота пакідае клуб. У жніўні 2007 года Мота перайшоў у мадрыдскі «Атлетыка» за 2 млн еўра. У сезоне 2007/08 Мота згуляў за «Атлетыка» ўсяго 6 матчаў, прапусціўшы большую частку сезона з-за траўм — яму зрабілі тры аперацыі на левай назе за паўгода.

«Джэноа» правіць

15 верасня 2008 года Мота перайшоў у італьянскі клуб «Джэноа» як свабодны агент[3].

«Інтэрнацыянале» правіць

Сезон 2009/10 Мота пачаў у складзе міланскага «Інтэра», куды ён перайшоў разам з партнёрам па «Джэноа» Дыега Міліта. Мота ў другім туры чэмпіянату забіў гол «Мілану», пачаўшы разгром прынцыповага суперніка. Матч завяршыўся з лікам 4:0. Пазней з-за траўмаў Мота страціў месца ў аснове, але паступова вярнуўся ў склад, канкуруючы з Дэянам Станкавічам.

«Пары Сен-Жэрмен» правіць

31 студзеня 2012 года Мота перайшоў у французскі клуб «Пары Сен-Жэрмен»[4], падпісаўшы кантракт на 3,5 гады з заробкам у 2 млн еўра за сезон.

Завяршыў кар’еру па заканчэнні сезона 2017/18.

Міжнародная кар’ера правіць

6 лютага 2011 года Мота быў выкліканы Чэзарэ Прандэлі ў зборную Італіі на таварыскі матч супраць зборнай Германіі[5].

Трэнерская кар’ера правіць

З мая 2018 года працаваў трэнерам у «Пары Сен-Жэрмен» у камандзе да 19 гадоў.

У кастрычніку 2019 года быў прызначаны галоўным трэнерам «Джэноа»[6]. Пакінуў пасаду ў снежні таго ж года.

У ліпені 2021 года стаў галоўным трэнерам «Спецыі». Пакінуў клуб па пагадненні бакоў у чэрвені 2022 года.

у верасні 2022 года ўзначаліў «Балонню».

Дасягненні правіць

  Барселона

  Інтэрнацыянале

  Пары Сен-Жэрмен:

Асабістае жыццё правіць

Тыягу Мота нарадзіўся ў Бразіліі ў сям’і, якая мае італьянскія карані, гэта значыць яго дзед быў італьянцам[7].

Зноскі

  1. ↑ Thiago Motta // Transfermarkt — 2000. Праверана 9 кастрычніка 2017.
  2. ↑ Thiago Motta // Enciclopèdia de l'esport català — Grup Enciclopèdia, 2012.
  3. ↑ Мота перешёл в «Джэноа» Архівавана 19 кастрычніка 2008.. championat.ru
  4. ↑ «ПСЖ» заполучил полузащитника «Интера» Мотту. championat.com
  5. ↑ Motta, Giovinco e Matri le novità Архівавана 11 сакавіка 2011.. Federazione Italiana Giuoco Calcio
  6. ↑ Мотта стал тренером «Дженоа». by.tribuna.com
  7. ↑ Тьяго Мота может стать игроком сборной Италии Архівавана 4 лютага 2011.. championat.ru

Спасылкі правіць

Узята з "https://be.wikipedia.org/w/index.php?title=Тыягу_Мота&oldid=4206366"