Рыцына
Рыцы́на — тлусты раслінны алей, атрымліваемы з насення клешчавіны прасаваннем і экстрагаваннем арганічнымі растваральнікамі.
Вязкая вадкасць светла-жоўтага колеру або бясколерная, амаль без паху, з непрыемным смакам. Невысыхальны алей. На 80—90 % складаецца з трыгліцэрыдаў рыцынолевай кіслаты. Таксама ўтрымлівае 3—5 % лінолевай і 3—9 % алеінавай кіслаты. Шчыльнасць 950—974 (948—968[1]) кг/м³ пры тэмпературы 15 °С. Застывае пры тэмпературы ад −8 да −18 (-16[1])°С. Не раствараецца ў вадзе і бензіне. Добра раствараецца ў спірце.
Выкарыстанне
правіцьРыцына выкарыстоўваецца ў якасці змазачнага матэрыялу, гідраўлічнай вадкасці, у вытворчасці мыла, пакосту і фарбаў, касметычных сродкаў.
У медыцыне
правіцьУ медыцыне рыцына выкарыстоўваецца ў якасці хуткадзеючага слабіцельнага сродку. У спалучэнні з хінінам і інш. у акушэрстве. Мазі і бальзамы з рыцынай выкарыстоўваюцца пры лячэнні апёкаў, язваў, змякчэння скуры і інш.
Зноскі
- ↑ а б Масло касторовое // ХиМиК.ру (руск.)
Літаратура
правіць- Рыцына // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 528. — 10 000 экз. — ISBN 985-11-0035-8. — ISBN 985-11-0216-4 (т. 13).
- Касторовое масло // Большая советская энциклопедия : ([в 30 т.]) / гл. ред. А. М. Прохоров. — 3-е изд.. — М. : Советская энциклопедия, 1969—1978. (руск.)
Спасылкі
правіць- Масло касторовое // ХиМиК.ру (руск.)
- КАСТОРОВОЕ МАСЛО // Энцыклапедыя Кругасвет (руск.)