Рэгіна Львоўна Каплан
Рэгіна Львоўна Каплан, сапраўднае імя Зося Львоўна Цытрын (польск.: Regina Kaplan, Zofia Cytryn; псеўд. Кобрынская, Валя; 1 (14) лютага 1908, Лодзь — 28 кастрычніка 1978) — удзельніца рэвалюцыйнага руху ў Заходняй Беларусі, польская камуністычная дзяячка.
| Рэгіна Львоўна Каплан | |
|---|---|
| Род дзейнасці | палітык |
| Дата нараджэння | 1 (14) лютага 1908 |
| Месца нараджэння | |
| Дата смерці | 28 кастрычніка 1978 (70 гадоў) |
| Альма-матар | |
| Партыя | |
| Узнагароды і прэміі |
 |
Біяграфія правіць
У Першую сусветную вайну пасялілася ў Маскве як бежанка[1]. З 1932 года на савецкай падпольнай рабоце ў Заходняй Беларусі (у складзе Польшчы), сакратарка Брэсцкага акруговага камітэта Камуністычнай партыі Заходняй Беларусі (КПЗБ). Пасля падаўлення Кобрынскага ўзброенага выступлення сялян 1933 года была арыштавана і прыгаворана да 15 гадоў турмы, хоць прамога дачынення да тых падзей не мела.
Вызваленая па заняцці Заходняй Беларусі Чырвонай арміяй у 1939 годзе. Працавала ў ЦК МАДР у Мінску.
Пасля нападу Германіі на СССР у часе Другой сусветнай вайны, з 1941 года загадчыца польскага літаратурнага аддзела, дырэктарка радыёстанцыі імя Касцюшкі ў Маскве. З чэрвеня 1943 года — у Чырвонай Арміі, з чэрвеня 1944 года — у партызанскім атрадзе[2]. Перакладчыца палітычнага ўпраўлення Паўднёва-Заходняга фронту, начальніца палітычнага аддзела польскага партызанскага штаба пры 1-м Беларускім фронце. Удзельнічала ў стварэнні Саюза польскіх патрыётаў у СССР.
Пасля вайны скончыла Акадэмію грамадскіх навук пры ЦК КПСС у Маскве (1950), працавала ў апараце ЦК ПАРП, дырэктарка партыйных школ у Лодзі і Беластоку[3].
Узнагароды правіць
Зноскі
Літаратура правіць
- Ласковіч В. Каплан Рэгіна Львоўна // Энцыклапедыя гісторыі Беларусі. У 6 т. Т. 4: Кадэты — Ляшчэня / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1997. — С. 102—103. — 10 000 экз. — ISBN 985-11-0041-2.