Сафіко Чыяўрэлі

Сафіко (Соф’я Міхайлаўна) Чыяўрэлі (груз. სოფიკო მიხეილის ასული ჭიაური; 21 мая 1937, Тбілісі, Грузінская ССР — 2 сакавіка 2008, Тбілісі, Грузія) — грузінская актрыса; народная артыстка Грузінскай ССР (1976), народная артыстка Армянскай ССР (1979), лаўрэат Дзяржаўнай прэміі СССР (1980).

Сафіко Чыяўрэлі
груз. სოფიკო ჭიაურელი
Дата нараджэння	21 мая 1937(1937-05-21)
Месца нараджэння	Тбілісі, Грузінская ССР, СССР
Дата смерці	2 сакавіка 2008(2008-03-02) (70 гадоў)
Месца смерці	Тбілісі, Грузія
Месца пахавання	Дыдубійскі пантэон[d]
Грамадзянства	СССР  Грузія
Бацька	Міхаіл Чыяўрэлі
Маці	Верыко Анджапарыдзэ
Муж	Георгій Шэнгелая[d] і Канстанцін Махарадзэ[d]
Адукацыя	Усерасійскі дзяржаўны ўніверсітэт кінематаграфіі імя С. А. Герасімава
Прафесія	акцёрка, кінаактрыса, палітык
Прэміі
Узнагароды	Народны артыст Грузінскай ССР[d] (1976) Заслужаны артыст Грузінскай ССР[d] (1964)
IMDb	ID 0157105

Біяграфія

Нарадзілася 21 мая 1937 года ў Тбілісі ў сям’і рэжысёра Міхаіла Чыяўрэлі (1894—1974) і актрысы Верыко Анджапарыдзэ (1897—1987).

Пасля заканчэння тбіліскай жаночай сярэдняй школы, у 1955 годзе паступіла ва Усесаюзны дзяржаўны інстытут кінематаграфіі (УДІК). З адзнакай скончыла навучальную ўстанову (1960; педагогі: Вольга Пыжова і Барыс Бібікаў). Аднакурснікамі былі Святлана Дружыніна і Леанід Кураўлёў.

Дэбютам у кіно стала роля ў фільме «Наш двор» (1956).

Пасля заканчэння інстытута вярнулася на радзіму. У 1960—1964 гадах і з 1968 года — актрыса акадэмічнага тэатра імя К. Марджанішвілі ў Тбілісі, у 1964—1968 гадах — акадэмічнага тэатра імя Ш. Руставелі.

Жыла ў Тбілісі ў бацькоўскім доме (сучасны адрас — вуліца Верыко Анджапарыдзэ, 16 — цяпер дом-музей В. Анджапарыдзэ і М. Чыяўрэлі).

З 2003 года была мастацкім кіраўніком тэатра «Верыко».

Дэпутат Вярхоўнага Савета СССР IX склікання (1974—1979).

Літаратура

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).