Свята-Ільінская царква (Камайск)

драўляны праваслаўны храм у Докшыцкім раёне Віцебскай вобласці

Свята-Ільінская царква — драўляны праваслаўны храм у вёсцы Камайск Докшыцкага раёна Віцебскай вобласці, помнік беларускага народнага дойлідства

Праваслаўны храм
Свята-Ільінская царква
Камайск. Свята-Ільінская царква.jpg
54°52′48,20″ пн. ш. 27°53′17,16″ у. д.HGЯO
Краіна Flag of Belarus.svg Беларусь
Вёска Камайск
Канфесія Праваслаўе
Епархія Полацкая і Глыбоцкая епархія
Архітэктурны стыль народнае дойлідства
Дата пабудовы 1809 год
Лагатып Вікісховішча Свята-Ільінская царква на Вікісховішчы

ГісторыяПравіць

Пабудавана ў 1809 годзе па фундацыі Яна і Тэрэзы Мацкевічаў.

АрхітэктураПравіць

Абодва зрубы, асноўны і алтарны, амаль квадратныя ў плане, роўнай вышыні і накрыты агульным двухсхільным дахам, які ўтварае 3-вугольныя навісі-застрэшкі над месцам злучэння зрубаў. Тарэц даху на галоўным заходнім фасадзе аформлены ўсечаным трапецападобным франтонам і завершаны чацверыковай вежай, накрытай спічастым чатырохсхільным шатром з заломам. Шчыт франтона аздоблены дыяганальнай ашалёўкай «у елачку». Вільчык даху над алтаром увенчаны шатровай вежай, падобнай на галоўную. Будынак мае 3 уваходы, над якімі высока размешчаны падвойныя прамавугольныя вокны. Да галоўнага ўваходу прыбудаваны невялікі прытвор. Нягледзячы на камернасць збудавання, храм стварае ўражанне больш значнага маштабу і ампірнай урачыстасці. У ім спалучаюцца традыцыйныя цяслярскія прыёмы з класіцыстычнай трактоўкай форм.

ЛітаратураПравіць

СпасылкіПравіць