Свята-Іосіфаўская царква (Гарадзілава)

Царква ў імя святога Іосіфа Абручніка — праваслаўны храм у вёсцы Гарадзілава Маладзечанскага раёна Мінскай вобласці.

Славутасць
Свята-Іосіфаўская царква
Church in Haradzilava - panoramio.jpg
54°13′32,24″ пн. ш. 26°36′00,54″ у. д.HGЯO
Краіна Flag of Belarus.svg Беларусь
Вёска Гарадзілава
Канфесія Беларуская Праваслаўная Царква
Епархія Маладзечанская епархія
Дата пабудовы 1866 год
Лагатып Вікісховішча Свята-Іосіфаўская царква на Вікісховішчы

ГісторыяПравіць

Каля могілак. Пабудавана ў 1866 г. з цэглы і бутавага каменю. На царкоўны пляц вядзе мураваная арачная брама.

АрхітэктураПравіць

Помнік архітэктуры рэтраспектыўна-рускага стылю. Аднанефны храм. Аб’ёмна-прасторавая кампазіцыя падоўжна-восевая, уключае двух'ярусную шатровую вежу-званіцу (васьмярык на чацверыку), кароткую трапезную, прамавугольны ў плане асноўны аб’ём, паўкруглую апсіду. З паўночнага боку апсіды невялікая прыбудова рызніцы. Асноўны аб’ём накрыты чатырохсхільным дахам з цыбулепадобнай галоўкай. Багатую фактуру фасадам надае спалучэнне неатынкаванай муроўкі з часанага бутавага каменю і атынкаваных і пабеленых элементаў архітэктурнага дэкору (вуглавыя лапаткі, аркатурныя паясы, карнізы, ліштва арачных аконных праёмаў).

Інтэр'ерПравіць

Зала перакрыта плоскай столлю, асвятляецца бакавымі спаранымі аконнымі праёмамі. Прастора апсіды вылучана шырокім арачным прасветам і драўляным іканастасам.

Зноскі

ЛітаратураПравіць

  • Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4

СпасылкіПравіць