Свята-Мікалаеўская царква (Ваўкавыск)

Свята-Мікалаеўская царква — праваслаўны храм, помнік архітэктуры позняга класіцызму з элементамі псеўдарускага стылю ў г. Ваўкавыску.

Праваслаўны храм
Свята-Мікалаеўская царква
53°09′39″ пн. ш. 24°27′24″ у. д.
Краіна	Беларусь
Горад	Ваўкавыск
Канфесія	Беларуская праваслаўная царква
Епархія	Гродзенская і Ваўкавыская
Архітэктурны стыль	класіцызм, псеўдарускі стыль
Архітэктар	Сяргей Пятровіч Гур’еў
Дата пабудовы	1874 год
Матэрыял	цэгла
Медыяфайлы на Вікісховішчы

Гісторыя

Пабудавана ў 1874 годзе з цэглы ў цэнтры горада (вул. Леніна) архітэктарамі Уласавым і Гур’евым.

Архітэктура

8-гранны асноўны аб’ём з прамавугольнай апсідай і прытворам. На галоўным фасадзе — 2-ярусная вежа-званіца, першы яе ярус прамавугольны ў плане, другі — 8-гранны, накрыты шатром. Галоўны ўваход вылучаны кілепадобным франтонам. Асноўны аб’ём мае паўцыркульныя вокны з кілепадобнымі сандрыкамі, прытвор і апсіда — прамавугольныя з ліштвамі, завершаны шырокім карнізам і фрызам з арачным поясам. Цэнтральная грань апсіды фланкіравана пілястрамі, завершана 3-вугольным франтонам і дэкарыравана арачнай нішай у цэнтры. Інтэр’ер зальны, перакрыццё драўлянае, плоскае. У храме драўляны 2-ярусны іканастас, дэкарыраваны накладной разьбой, пакрыты пазалотай.

Літаратура

• «Архітэктура Беларусі. Энцыклапедычны даведнік», Мінск 1993, стар. 108.

Спасылкі

• Свята-Мікалаеўская царква (Ваўкавыск) на сайце Праваслаўная архітэктура Беларусі (бел.)
• Свята-Мікалаеўская царква (Ваўкавыск) на сайце Radzima.org
• Свята-Мікалаеўская царква (Ваўкавыск) на сайце Глобус Беларусі (руск.)