Свята-Мікалаеўская царква (Дружылавічы)
Мікалаеўская царква — драўляны праваслаўны храм у в. Дружылавічы, помнік народнага дойлідства.
| Праваслаўная царква | |
| Свята-Мікалаеўская царква | |
|---|---|
.jpg) | |
| 52°14′12,16″ пн. ш. 25°33′27,1″ у. д.HGЯO | |
| Краіна |
 Беларусь |
| Вёска | Дружылавічы |
| Канфесія | Беларуская праваслаўная царква |
| Епархія | Пінская і Лунінецкая епархія |
| Архітэктурны стыль | народнае дойлідства |
| Дата пабудовы | 1777 год |
| Статус |
 Гісторыка-культурная каштоўнасць Беларусі, шыфр 112Г000266 |
| Стан | Дзейнічае |
 |
|
 Медыяфайлы на Вікісховішчы | |
Гісторыя
правіцьМікалаеўская царква ў Дружылавічах была ўжо ў 1450-1460-я гады, калі атрымала наданні ад пінскага князя Юрыя Сямёнавіча[1].
У цэнтры вёскі. Пабудавана ў 1777 годзе[2] з дрэва на сродкі памешчыка Арэшкі.
Архітэктура
правіцьБудынак першапачаткова складаўся з прамавугольнага ў плане асноўнага зруба і апсіды з нізкімі рызніцамі. У пачатку XX ст. да асноўнага зруба прыбудавалі бакавыя памяшканні, у выніку чаго план набыў форму крыжа. На галоўным фасадзе — трох'ярусная чацверыковая званіца. Над званіцай і ў сярэдзіне даху васьмігранныя барабаны з галоўкамі. Сцены гарызантальна ашаляваны і прарэзаны прамавугольнымі, у прыбудовах крыжападобнымі аконнымі праёмамі. Асноўны аб'ём і апсіда маюць бэлечнае перакрыцце, прыбудовы — цыліндрычныя скляпенні. Над уваходам хоры на двух слупах.
Інтэр’ер
правіць
У інтэр'еры бэлечная столь пераходзіць у цыліндрычныя скляпенні ў бакавых прыдзелах. Над уваходам — хоры. Апсіда вылучана драўляным разным двух’ярусным іканастасам, выкананым у 1830-я гг. Набажэнства вядуцца па Евангеллях 1771 г. і 1863 г. На званіцы падпісны звон 1707 г.
Зноскі
- ↑ http://starbel.by/dok/d008.htm
- ↑ НГАБ у г. Гродна, ф. 1, воп. 19, спр. 1004, арк. 9 — 29.
Літаратура
правіць- Архітэктура Беларусі: Энцыклапедычны даведнік. — Мн.: БелЭн, 1993. — 620 с. — ISBN 5-85700-078-5.
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
- Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.
- Лабачэўская, В. А. Мастацтва дзеля славы Божай: саламяныя іканастасныя вароты і царкоўна-культавыя прадметы / В. А. Лабачэўская. — Мінск : Беларуская навука, 2018. — 263 с. : іл.
Спасылкі
правіць
На Вікісховішчы ёсць медыяфайлы па тэме Свята-Мікалаеўская царква (Дружылавічы)- Свята-Мікалаеўская царква (Дружылавічы) на сайце Radzima.org
- Свята-Мікалаеўская царква (Дружылавічы) на сайце Глобус Беларусі (руск.)
- Свята-Мікалаеўская царква (Дружылавічы) на сайце «Архіварта»
