Свята-Мікалаеўская царква (Ляхаўцы)

Свята-Мікалаеўская царква — праваслаўны храм у в. Ляхаўцы Маларыцкага раёна Брэсцкай вобласці.

Славутасць
Свята-Мікалаеўская царква
51°48′23,55″ пн. ш. 24°11′17,19″ у. д.
Краіна	Беларусь
Аграгарадок	Ляхаўцы
Канфесія	Беларуская Праваслаўная Царква
Епархія	Брэсцкая і Кобрынская епархія
Архітэктурны стыль	беларускае народнае дойлідства
Дата пабудовы	1835 год
Медыяфайлы на Вікісховішчы

Гісторыя

На могілках. Пабудавана ў 1835 г. з дрэва.

Архітэктура

Помнік народнага дойлідства. Вырашана чатырохсценным зрубам пад вальмавым бляшаным дахам, вільчык якога завершаны фігурным двух'ярусным цыбулепадобным купалам. Лучковы цяслярскай работы ўваходны праём арганізаваны ў прыбудаваным нізкім прытворы пад двухсхільным дахам з крыжам на вільчыку.

Інтэр'ер

Нараджэнне Багародзiцы. Маларыцкі майстар. 1648—1650. НММ РБ

У 1830-я гг. выкананы іканастас. Абразы 17 — 18 ст.: «Барыс і Глеб», «Узнясенне» (1783), «Тайная вячэра», «Зняцце з крыжа», «Маленне Іакіма і Анны» і «Георгій Перамоганосец» (1797).

З царквы паходзіць самая ранняя з вядомых у Беларусі выяў «Нараджэння Маці Божай», якая спалучае традыцыйны варыянт іканаграфіі з фігурай праведнай Ганны, дзеў з дарункамі і сцэнай абмывання нованароджанай Марыі і сцэну «Ласканне Багародзіцы». Аўтар іконы — Маларыцкі майстар, якога адносяць да Заходнепалескай іканапіснай школы.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• Свята-Мікалаеўская царква (Ляхаўцы) на сайце Глобус Беларусі (руск.)
• Свята-Мікалаеўская царква (Ляхаўцы) на сайце Radzima.org