Свята-Параскева-Пятніцкая царква (Мікалаева)

Царква Святой Параскевы Пятніцы — праваслаўны храм у в. Мікалаева Камянецкага раёна Брэсцкай вобласці.

Праваслаўны храм
Царква Святой Параскевы Пятніцы
Царква Святой Параскевы Пятніцы
52°23′40,42″ пн. ш. 23°45′48,18″ у. д.
Краіна	Беларусь
Вёска	Мікалаева
Канфесія	Беларуская праваслаўная царква
Епархія	Брэсцкая і Кобрынская
Архітэктурны стыль	псеўдарускі стыль
Дата пабудовы	1900-я
Статус	Гісторыка-культурная каштоўнасць Беларусі, шыфр 113Г000356
Медыяфайлы на Вікісховішчы

Гісторыя

Знаходзіцца на паўночнай ускраіне вёскі, па вул. Школьная. Пабудавана ў 1900-я гг. з дрэва.

Архітэктура

Царква Святой Параскевы Пятніцы ў 2012 годзе

Помнік архітэктуры неарускага стылю. Асноўны прамавугольны зруб завершаны 5-купаллем і аб'яднаны з трох'яруснай шатровай званіцай (2 васьмерыкі на чацверыку, прыбудавана ў 1902) і невялікім бабінцам. Галоўны ўваход аформлены ганкам з франтонам. Архітэктура вылучаецца насычаным разным дэкорам: на гарызантальна ашаляваных фасадах выкарыстаны разныя карнізы, арнаменіальныя франтоны, аконныя ліштвы, гарызантальныя цягі, вертыкальныя лапаткі.

Інтэр'ер

У інтэр'еры зала адмежавана ад апсіды ў габарытах асноўнага аб'ёму драўляным двух'ярусным іканастасам з разнымі пазалочанымі царскімі варотамі з 6 авальнымі абразамі-таблеткамі.

Літаратура

• Праваслаўныя храмы Беларусі: энцыклапедычны даведнік / А. М. Кулагін; [рэдакцыйны савет: Г. П. Пашкоў, Л. В. Календа]. — Мінск: Беларуская Энцыклапедыя, 2007. — 653 с. 2000 экз. ISBN 978-985-11-0389-4.

Спасылкі

• На Вікісховішчы ёсць медыяфайлы па тэме Свята-Параскева-Пятніцкая царква (Мікалаева)
• Свята-Параскева-Пятніцкая царква (Мікалаева) на сайце Radzima.org
• Свята-Параскева-Пятніцкая царква (Мікалаева) на сайце Глобус Беларусі (руск.)
• Свята-Параскева-Пятніцкая царква (Мікалаева) на сайце «Архіварта»