Слава Корань
Слава Корань (нарадзіўся па пашпарце — 16 студзеня 1956 года, насамрэч — 16 снежня 1955) — беларускі рок-музыкант.
| Слава Корань | |
|---|---|
| Дата нараджэння | 16 снежня 1955 |
| Месца нараджэння | |
| Краіна | Беларусь |
| Альма-матар | |
| Музычная дзейнасць | |
| Прафесіі | музыкант, спявак |
| Гады актыўнасці | 1981-па сённяшні дзень |
| Інструменты | Гітара |
| Жанры | Рок |
| Калектывы |
Бонда ULIS |
| Супрацоўніцтва |
Новае Неба Кася Камоцкая |
Біяграфія
правіцьНарадзіўся ў Пскове ў сям’і настаўніцы і лекара. Скончыў школу №30 у Мінску, потым факультэт аўтаматыкі і вылічальнай тэхнікі Мінскага радыётэхнічнага інстытуту (РТІ) па спецыяльнасці «Аўтаматызаваныя сістэмы кіравання».
Вучыўся граць на фартэпіяна ў музычнай школе №1 у Мінску (1962—1969), але зразумеў, што фартэпіяна яму не даспадобы і пераключыўся на гітару.
Творчасць
правіцьУ 1968 годзе пачаў граць у школьнай групе, працягнуў музычныя экспэрымэнты ў РТІ. У 1981 годзе заснаваў гурт Ліфт, які выступаў ў мінскім кафэ «Мерыдыян» пад «дахам» арганізацыі «Арыентыр». У той час у Мінску было толькі тры кавярні, дзе гралі жывыя групы: «Мерыдыян», «Сузор’е» і кавярня Беларускага палітэхнічнага інстытуту.
У 1982 годзе стаў гітарыстам групы «Студия 7» — гурта Беларускага тэатральна-мастацкага інстытуту, які ў 1984 годзе стаў называцца «Бонда».
Сышоў з «Бонды» ў 1988 годзе разам з Сяргеем Краўчанкам і Валерам Цініцкім і з імі, а таксама Феліксам Аксёнцавым, Кірылам Шэвандо і Андрэем Патрэем стварыў гурт ULIS, у якім грае дагэтуль.
У 1993 годзе адбыўся раскол гурта, падчас якога з ULIS cыйшлі ўсе музыкі, апроч Славы Кораня, які ўзяў на сябе функцыі вакаліста і аўтара тэкстаў, што даволі неадназначна ўспрыняла наваколле. ULIS набраў новы склад, які неаднаразова мяняўся.
Ацэнкі
правіцьПадчас імпрэзы з гуртом «Hasta La Fillsta» на «СТБ» у 2010 годзе яго вакалістка і музычная журналістка Вольга Самусік назвала Кораня «найвялікшым рок-музыкам Беларусі»[1].
Сям’я
правіцьЖанаты, мае сына.
Зноскі
- ↑ Ольга Самусик (группа «Hasta La Fillsta»): Для «Playboy» могу сняться бесплатно (руск.). СТБ (13 чэрвеня 2010). Архівавана з першакрыніцы 30 мая 2012. Праверана 8 студзеня 2020.
Літаратура
правіць- Д.П. КОРАНЬ ВЯЧАСЛАЎ (Корень Вячеслав, Koran Viachaslau) // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 141–142. — 368 с. — 2 000 экз. — ISBN 978-985-6783-42-8.