Спаса-Праабражэнская царква (Астрына)
Спаса-Праабражэнская царква — праваслаўны храм у г.п. Астрына (Шчучынскі раён). Размешчана на вул. Гродзенскай. Помнік архітэктуры рэтраспектыўна-рускага стылю. Пабудавана ў 1855 г. з бутавага каменю і цэглы.
| Праваслаўны храм | |
| Спаса-Праабражэнская царква | |
|---|---|
.jpg) | |
| 53°43′50″ пн. ш. 24°31′51″ у. д.HGЯO | |
| Краіна |
 Беларусь |
| Гарадскі пасёлак | Астрына |
| Канфесія | Беларуская Праваслаўная Царква |
| Епархія | Гродзенская і Ваўкавыская епархія |
| Архітэктурны стыль | рэтраспектыўна-рускі стыль |
| Дата пабудовы | 1855 год |
 |
|
 Медыяфайлы на Вікісховішчы | |
Архітэктура правіць
.jpg)
Крыжовую форму храма фарміруюць цэнтральны кубападобны аб'ём малітоўнай залы, бакавыя прыдзелы, паўкруглая апсіда, прытвор-званіца. Сяродкрыжжа завершана васьмігранным шатром з заломам і цыбулепадобнай галоўкай. Вертыкальнай дамінантай з'яўляецца трох'ярусная чацверыкавая званіца, якая мае шацёр з макаўкай. Галоўны ўваход у яе першым ярусе вырашаны арачным парталам-прытворам пад двухсхільным пакрыццём. На фоне паліхромнай бутавай муроўкі сцен кантрасна вылучаюцца атынкаваныя і пабеленыя элементы архітэктурнага дэкору — вуглавыя лапаткі, гарадковыя фрызы, плоскасныя ліштвы арачных аконных праёмаў.
Надзвычай развітую для «ўзорнага» храма трактоўку атрымала прастора інтэр'ера. У цэнтральную васьмігранную залу расчыняецца прастора самкнутага пірамідальнага скляпення — апсіда, прыдзелы і трапезная расчыняюцца шырокімі аркамі-прасветкамі. Апсіда аддзелена чатырох'ярусным іканастасам.
Літаратура правіць
- Праваслаўныя храмы Беларусі / А.М. Кулагін, З.Э. Герасімовіч, У.П. Свентахоўскі. - Мн., БелЭн, 2007.
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
- Лаўрэш Л. Астрынская, Глыбоцкая і Дэмбраўская цэрквы Лідскага павета, але Гарадзенскага дэканата // Лідскі Летапісец. 2023. № 3(103). С. 56-70 // на pawet.net
Спасылкі правіць
На Вікісховішчы ёсць медыяфайлы па тэме Спаса-Праабражэнская царква (Астрына)- Спаса-Праабражэнская царква (Астрына) на сайце Radzima.org
- Спаса-Праабражэнская царква (Астрына) на сайце Глобус Беларусі (руск.)
